"Furlan ..... FIN TAL POC". Chist al è el slogan stampât te ultime idee dai vuestris Fantats. Un toc produsût totalmentri in Friûl (tessût, confezionament e stampe) si parce che come che si po lei "Fate in Friûl di plante fûr / di doprâ tal marimont". Ma ce si sarano mai inventâts chel colp achi chei matarans ? (le indicazion FA.F. fashion e varès di sugjerius alc...) 

Tancj di lôr e jerin avilîs parcè che in chê volte, il numar di Fregul " SBIT ", al jere lât esaurît in pôc timp. Cumò podìn contentâju metint a disposizion le version in .pdf. Fracait parsore il disen e scjamait chist toc "classic" de miôr leteradure furlane !!!!

Chel passât al è stât un mês pardabon penç e cussì dome cumò o ài vidût che  tal numar di dicembar de riviste "La Patrie dal Friûl", al è stât publicât un articulut sui "nestris" sucars: un grazie di cûr ae redazion. 

Simpri tal mês passât nus è rivade le comunicazion che i sucars e son in distribuzion ancje lì de  ER.CA. di "Ronchis di Latisana" cussì come cualchi scjate e jè stade consegnade ae "ALIMENTARIA" di Gurizze.... e cumò, cui nus ferme plui !

BON AN A DUCJ !!

No tu sâs dulà cjoli lis nestris bustutis di sucar pal to ambient, ristorant, bar, frascje, B&B, agriturismo, club, mense, e v.i. ? No stâ sei marumît, cà sot ti lassin le liste dai puescj di dulà cjatalis:

- Scarbolo Zuccheri - Remanzacco 0432/667226

- Vivo Friuli  - dep di Martignacco
- Vivo Friuli - dep di Udine in Via Verona
- Vivo Friuli - dep di Porcia
- ER.CA. a Ronchis di Latisana
- NOLGI a Pocenia
- Coopca di Tolmezzo
- CEB Caffe' di Cargnacco - Pozzuolo del Friuli

 Cumò no tu âs scusis !

 CAPITAN CJARGNE !  

A oramai dodis ains de so jessude, dopo vê distribuît mil copis e vêlu mitût a disposizion tal nestri sito www.faf.too.it, o vin cumò ancje le version scjamabil in formât .pdf . No stâ a piarditi il librut "cult" dai ains novante, frache parsore il disen !

 Attention please, women of all the world! The latest issue of the “Fregul” collection has just been released, under the title: "N. 3" (Psycho-demential diary of a girl: love affairs, illusions and hopes), written, illustrated and translated into English only by women from Friûl(!): - you can’t miss it! Ask it now to your hairdresser, beautician or sales assistant! This booklet has been created for you! Yes, just for you, so get it right now!!!  The introduction is following. "I start by saying that what you are going to read does not have a logical sense, there is no connection between an event and the following; everything has actually occurred, some things have been a bit modified so the people concerned cannot understand that I am talking about them and I am using them as a psychoanalysis session. My psychologist told me that I have to express what I have inside, by keeping a sort of diary." 

 Atenzion, feminis di dut el marimont !  Al è jessût cumò denant l'ultin numar de golaine "Fregul": "N. 3" (Pagjinis dal diari psico-demenziâl di une fantate tra amôrs, sperancis e inlusions) , scrit, disegnât e voltât par  inglês dome di fantatis di chenti (!):  - no stâ piardital ! Domandilu daurman ae to paruchiere, estetiste, comesse de buteghe di vistîts! Chist librut al stât è creât pensant a te ! Si propite a te, cjolilu po !!!!" Seguis le introduzion. "O premet che chel ch’o stês par lei nol à un sens logjic, nol è un colegament tra un fat e chel dopo, dut al è sucedût sul serio, alc al è stât un pôc modificât par no fâ intindi ai dirès interessâs ch’o stoi tabaiant di lôr, e us stoi doprant come sedude di psicanalisi. Al me psicologo mi à dit ch’o ai di esprimi ce ch’o ai dentri. Tignî une sorte di diari."

?

!

?

! ? !  ? !

Sêstu in astinence e no tu sâs dulà cjatâ lis gnovis bustutis pai drogâts  ...  di  furlan ? No stâ fâ il ruspi !  Se tu âs un ambient e tu âs voe di vê lis "nestris" bustutis di sucar, tu puedis cjatalis a l'ingrues li dal VIVO Friuli sie in vie Verone a Cussignà (Udin) che a Passons (ss. par Dignan), a Pocenie li di PIETRO NOLGI SNC ma ancje diretamentri li che lis àn prontadis Scarbolo Zuccheri a Remanzâs - z.i.

Gnovis bustinis pai drogâts  ...  di  furlan !  Gnove iniziative dal FAF in colaborazion cun le Friulpoint: e son in distribuzion (a l'ingrues par locai e ambients - e tai locai e ambients par ducjucuancju !) lis bustis dal sucar par furlan. Une operazion particolar-mentri golose pai colezioniscj stant che e son vincj divertentis e difarentis imagjinis. Tacait a metilis dongje ... e magari a sgambialis (come cun lis figurinis) !

Sul Messaggero di vuè al è un articulut a proposit di Floreàn e Venturin .... e an di tornâ a metiji su lis cuviartoriis che j vevin gjavât ta l'ultin restauro.... e il picje dispicje - gjave e torne met su- al continue, forsit propite par fâ in maniere che noatris dal FAF sedin obleâts a inzornâ il nestri Fregul che al tabae propit di lôr.  Dutcâs al è miôr viodi un par di mudantis che un par di "evirâts" ! Cualchidun nol à spietât un moment a fanus savè che al è mert dal nestri librut che lis aghis si son motis, ma noatris restin simpri in spiete che a tornedin totalmentri normai !

Chi ch'al è il simpatic regalut ch'o vin distribuît ai frutins di passaç a Rivignan. Un balonut zâl cun stampât intor un poleçut e la scrite "par furlan... si ven su ben!" O pues dius ch'al è plasût une vore... e stant che jere plui che atri une prove cumò si metarin in vore par comedâ la grafiche e la cualitât dal logo.

Un biel regâl al spiete il passaç dai frutins li dal bancut dai Fantats Furlans a Rivignan in ocasion de Fiere dai Sants. Une sorprese, une gnove idee dedicade a ducj i fruts e che, se e varà un bon acet, e podarà sei ripetude in atris ocasions. Ce mai saraial ? Un termometri tarocât o diretamentri une justificazion par no lâ a scuele ? Une sclope tire rais laser ? Une scliçe budiesis ? Anin di corse a Rivignan prime ch' e finissin !

A la schirie dai numars de golaine "Fregul" (it) dispunibii gratuitamentri on line tal sito dai Fantats furlans (www.faf.too.it), si è zontât di cualchi zornade ancje chel di "Fiore dei Liberi". Prontât par cure di Lucia Gazzino de Scuele di Armis "Scherme Antighe - Companie de' Malipiero" di Udin (une des scuelis plui preseadis in Europe tal so gjenar  www.malipiero.com ), al è siguramentri un  goloseç di no fâsi scjampâ.  El librut al tabae di chist  personaç ch'al à vivût a cjaval dal 1400 e ch' o podin considerâlu cence fal: "epic". Anin a leilu . (frache chi pe version taliane )

Gonars 15/04/07, l'event 2007 !

Le jessude de gnove e tant suspirade maute, Agâr !

Frute, ven a provale !      ...par l'ocasion podaressin prontâ une cabine di prove umane dute par te ! (intant o disin grazie a la nestre gjenerose modele .... )

SIIIIIIIIII !  Lu vin in man !

Vele cà la "cuviartorie" dal ultin Fregul (librut di informazion) dal titul "CE CH'AL COSTE UN TAJ".

Lu podeis cjatâ domenie a Gonars  li dal nestri bancut !

Cumò si organizzin par fâ une piçule presentazion par setemane che ven... us tignarin informâts !

Sondaç par une maute (2)

    (1)                         (2)                             (3)

2nt zîr di bozzis. O ài cirût di la incuintri un pôc a ducj i conseis... viodin ce che us somein. Lassait un comment, grazis!

Sondaç par une maute

    (1)                         (2)                             (3)

Chiste idee scjampade tra une birute e chê atre, e jè par une maute par feminis. La scrite "Agâr" e varès di colâ par denant in verticâl,  juste ben tal mieç ....dai piruçs. La maute no sarà une des solitis T-shirt ch'o vin fat fin cumò, ma ben  une sflancade (di femine par l'apont). Tignint cont che tes primis dôs versions al vignarà zontât  l'acent su la seconde "a", il sondaç al è: 1) us plasie l'idee ? 2) vae ben la prospetive in verticâl e che si strenc tal mieç? 3) cuale des tre versions preferiso? 4) di ce colôr la scrite 5) di cual colôr la maute ? Nus fasarà tant plasè vê i parès des feminis, che e varan di metile su (e dai omps, che varàn di gjavale vie!) !