Lis paraFAFotos, oben lis fotos cjapadis dai Parafangos a FAFieste, tu lis cjatis achi. Grazie a Dilo che nus à metut a disposizion dut chest ben di dilo.

 

E je stade dure jevâsi vuè di buinore. Son stâts tre dîs di fieste e di lavôr. Cuasi cuasi mi pâr di jessimi sumiât chiste fieste maraveôse. O ài intôr ancjemò tante strache ma o soi contenton, in tancj si son complimentâts, segno che il nestri progjet al è plasût e chiste e je le nestre sodisfazion. O aprofiti par disi grazie a ducj chei che e son passâts e ducj chei che e àn lavorât e judât par meti in pins l'event. Usgnot ... polse dal vuerîr !   Tai dîs a vignî, cun calme metarin su cualchi foto des seradis e anzit se cualchidun and'à fatis che lis mandi a faf1995@libero.it Grazie.

Riepiloghin un moment lis robis: FAFieste a Feletis di Bicinins (lì dal cjamp di balon)

 vinars ai 4 di setembar h. 21.00 Silvia Michelotti, Frizzi Comini Tonazzi,

 sabide ai 5 di setembar h. 21.00 Jonokognos, Parafangos, Carnicats,

 domenie ai 6 di setembar h. 20.00  poesie cun Lucia Gazzino e Cristina Micelli, presentazion dal CD "Platimi" Fîl & Fiâr e M. Govetto, leture seniche di "Bire su Pluton" di M. Govetto cun TNF - Straulino Fedele Vescovo.

TNF (Teatri Nazionâl Furlan) Domenie ai 6 di setembar a FAFieste e presentin un test di Massimo Govetto "Bire su Pluton". Vele chi le interviste prontade dal stes autôr de conte.

O jeri lât a sintì le serade finâl dal Premi Friûl, un tre ains fa cussì, tant par fà alc di difarent e pari iodi se si cumbinave di dai une riscjeladine a cualchi sdrondine e presepôc a miege sere, biel che o stavi tacant a sgragnolami trionfalmentri i cacos, si presentin sul palcoscenic doi bocoins di cjaveçai. Un plui ruspiôs dal atri. "Ma di dulà vegnino fûr, chei chì?" i fâs a mè copari, ch'al jè sentât in prime file dongje di me, tant che lu svei; "Ma çemût, no tu ju âs ricognussûts? E son i TNF!" "Ti enne çè?" "TNF. Ch'al sares a stai Taconà Nancje Fevelà; e fasin teatri par furlan. Ti spieghi: ioditu chel alt e un pêl sbarlufît sule gjestre? Eco, chel lì al jè Milio, che ducj lu clamin Mimo e chel atri, chel dut discjavelât e un sclip bracot, chel lì invessit al jè Andrea, che però ducj lu clamin Morandin. Pense, e son di Cjasielis, lôr, e par jessi chì usgnot no si sono fas menà su dal lôr amion, dal Meo, che ju à cjamâts sul casson de Ape? Ma çè ti vegnie voe di dì?" Nie, copari. Propite nie. Forsit al jè il câs di lassaju fevelà lôr.

Massimo Govetto al interviste par no i Fîl & Fiâr (A FAFieste domenie ai 6 di setembar).

 

Mi an dite: "Nol jè che par câs tu varessis une miege voe di intervistà i Fantats Furlans?" "Ma cuai, chei dal Fregul e di FAFieste doimîlevot?" "Lôr. Propit lôr." "Ostie. E chei di Miss Fantate e di FAFieste doimlenûf?" "Lôr. Propit lôr."

E alore jò, che mone dal dut ancjemò no soi deventât, çemût dal diaul fasevio a dì di no?
Spiegaimal uatris.No si podeve; son mighe cuatri cjastrons, chei chì: e son i Fantats Furlans. Presint? Chei dal Fregul e di FAFieste doimîlevot. E chei di Miss Fantate e di FAFieste doimîlenûf. Iustapont. Provait a lei çe che mi an contât:

FELETTIS UNITED (Polisportiva Libertas Felettis) - intervistin i parons di cjase de nestre FAFieste. A comandâ chiste scuadre di balon di omps e je Monica (presidente), viodin ce che nus conte ! 

1. A Feletis o vês un biel cjamp di balon, un tapêt morbit.... minimo minimo o sês prins in classifiche, vere?
Beh sai....l'anno scorso abbiamo giocato tutto l'anno su un altro campo quindi meglio non approfondire com'eravamo in classifica! Quest'anno però ritorniamo a giocare sul nostro bel tappeto morbido e speriamo che porti bene!!

2. Te vuestre  associazion sportive di balon maschîl tu sês tu le presidente, continus, cemût  isal il clima tal  spogliatoio?
Carica sociale a parte....non mi fanno entrare!! Però, all'esterno,  credo che il clima sia bello, soprattutto nello spogliatoio, della squadra di calcetto: quando aspetti che escano per andare a cena dopo le partite non escono mai! Ti viene per forza da pensare che qualcosa di bello lì dentro ci dev'essere!

3. Ma ce us isal passât pal cjâf di fâ Fa.F.ieste, seso lâts fûr cun la cassele?
Penso sia stata colpa del caldo in effetti...ma quando ci siamo resi conto dell'errore ormai era troppo tardi! Scherzi a parte abbiamo colto subito l'occasione dopo la proposta del vostro "infiltrato" Berga (el Gnagna): ci è sembrata un bella opportunità per sperimentare qualcosa di diverso dalle solite feste! Speriamo che la risposta del Paese e di quanti verranno a trovarci a settembre sia positiva...e ovviamente speriamo che tutto vada per il meglio!!

4. Ce pensaiso dal programma de fieste ?
Sulla carta sembra "un spetacul"!...e speriamo che sia così per molti! Inoltre avremo il piacere di riospitare, dopo una decina d'anni, i Frizzi Comini Tonazzi, una nostra vecchia conoscenza, visto che hanno già calcato due volte il palco di Felettis.

5. (The marzullo's question) Le vite ise un siun o i siuns iudino a vivi miôr? I siuns e iudin a vivi miôr soredut cuant che ti dan i numars dal superenalot!
Par finì no sai so savês, ma te prosime stagjion sportive al Berga al diventarà al nestri alenadôr di balon a 5! Vuatris che lu cognosês di tant timp ce penseso? Vino fat ben a sielgilu? Si avalin de facoltât di no rispuindi, o tabaiarin dome in presince dal nestri avocât parcheche, cualsisei robe ch'o podaressin declarà e podarès sei doprade cuintri di no.

Grazie Monica si viodin ae fieste

Cristina Micelli, poetesse di Basilian, a FAFieste domenie ai 6 di setembar.  Le interviste chiste volte le à fate par no Massimo Govetto.

Varessiso mai pensât uatris che intun Basilian, là che un mancul s'al spiete, si plate a voi dal mond une anime a cinçent carâts? O ai provât a stimale.

Silvia Michelotti  in concert vinars ai 4 di setembar a FA.F. ieste (li dal cjamp di balon di Feletis Bicinins).  

 

Continua a leggere

JONOKOGNOS A FAFieste sabide ai 5 di setembar (cjamp di balon di Feletis-Bicinins).  Pardabon un dai grups furlans ch'o ami di plui i Jonokognos. Gjoldinsi intant "mai mai", un dai miôr video dal panorama furlan fin cumò.

Us riproponin le interviste fate l'an passât

Ve ca un promemorie par no dismenteâsi il calendari di FA.F.ieste. Us Spietin !

Ve ca l'interviste (fate l'an passât) al grup "cult" dai ultins vincj/trente agns i FRIZZI COMINI TONAZZI che  e sunaran a FAFieste vinars ai 4 di setembar. Siguramentri un toc di storie de musiche di chenti ma ce ch'al è ancjemò plui impuartant e son i tancj moments di divertimet e di ligrie che nus an regalât cul lôr snait, le lôr vivarositât, cun lis lôr cjançons po !

risponde Tonazzi che non si fida col furlan avendo genitori di origini venetecalabresimantovani

PARAFANGOS (a FA.F.ieste sabide 5 di setembar - Feletis di Bicinins). E vevin di vignî già te edizion da l'an passât ma une gnoce si ere mitude tal mieç e cussì nus àn tirât il pac. Chist an non àn scusis e vele cà le intervistute par email fate dal vuestri Luche ch'al à dome cazzadis pal cjâf:

! ! ! ! ! CARNICATS ! ! ! ! ! !  a FA.Fieste ai 05/09/09 (Feletis di Bicinins). Prime de interviste cjalìn insieme l'ultin video ch' al va in rotazion su ALLMUSIC di zaromai un mês !

Intervistute fate par email:

Vele vele che rive le FA.F.ieste,  veju veju che rivin i Fantats a Feletis di Bicinins:

 vinars ai 4 di setembar Silvia Michelotti, Frizzi Comini Tonazzi,

 sabide ai 5 di setembar Jonokognos, Parafangos, Carnicats,

 domenie ai 6 di setembar  poesie cun Lucia Gazzino e Cristina Micelli, presentazion dal CD "Platimi" Fîl & Fiâr e M. Govetto, leture seniche di "Bire su Pluton" di M. Govetto cun TNF - Straulino Fedele Vescovo.

Tu cjatarâs di mangjâ, di bevi, di stâ in companie parce che a FA.F.ieste si tache cul zuiâ e si finìs cul braçolâsi.

Dopo vê gjoldût di une fieste maraveôse come chê di Musikemate, i Fantats e an ancjemò voe di fâ fieste .... FA.F.ieste ?!?!?! 4-5-6 setembar Feletis nus clame !

Cualchi Foto da FA.F.ieste

Cualchi foto dal event "Miss Fantate 2008", slurp !

Cemut che je lade nus al à già ben contât le "zonta" dal so blog e cuntun servizi fotografic. Ve ca invesit un cuatri fotos des nestris di miss fantate....

ve chi che si tache cun la prime iscrite al concôrs !

le numar 2

le incontenibil numar 3

numar no sai ce ma ricuardade come ...... le rosse

le numar nuf... ma no steit a lassasi condizionâ de muse di chel ch'al è di schene...

le numar uff, pant pant, jo o jeri a spinâ bire i numars m'ai soi piardûts

lis finalistis

MISS FANTATE 2008

un regâl al è par dutis e une maute dal FA.F e puarte ancjemò plui ligrie !

Cualchi Foto da FA.F.ieste

 Sabide ai 7 di jugn li de zone festegjaments di Merêt di Cjapitul il timp nol è dai miôr ma il bancut nol à pore di nie e si poe comut parsore une taule a sotet...

 

sunâ o no sunâ ? sunete, sunete somee che disin i struments ma ae fin no si è cumbinât nie.

le ploe e je femine e cumò le mole e cumò no ... e cussì cualchidun al rive instess: cualchidun ?!?!? ve cà che rivin i FASTFURLANS...

si lavore si lavore e si cîr di tignî su le serade...

par fortune che e son rivâts ancje chei fantats dai "Ultras" brâvs zovins, che e vevin prontât un lôr bancut (ve chi il lôr striscion ma atenzion no son lôr chei te foto !). Par intindisi lôr e son chei che e vevin metut adun il mega bandieron cul le acuile al stadi cuatri cinc agns indaûr...

 

ma lavôr and'è simpri , e magari si po provâ ancje i struments....

ma le passarele e jè già pronte

e ancje lis concorints

ma chestis frutis e son in bore ! che cà e somee te pose dal torero, lui al sgarfe cuntune çate ma je lu impirarà cun le ombrene ! Grazie a ducj

Cualchi Foto da FA.F.ieste

 Vinars ai 6 di jugn li de sale teatrâl di Sante Marie le Lungje o vin organizzât une serade culturâl veramentri ninine: cun robis di iar e di vue, poesi lete sunade e insuazade intun videoclip. Al è un plasè  dî grazie a ducj chei che e àn partecipât a chist event. Nin cumò a viodi cui ch'ovin vût.....

il "Gnagna" (si firme "torzeon" tal blog) un dai fondatôrs dal FA.F. al à introdot le serade (e intant lis feminis e peteçavin: "ce toc di frut, ... mi pâr che nol à le vere...mmmmmh...cjale ce ben ch'al ten chel microfono!")  

Valentina e jere le presentadore uficiâl de serade e à fat di trait d'union ai varis spetacui. Chi le viodin che interviste Guido Sut, president dai Viandants che e àn curât la produzion des "videopoesiis" de serie "Spicelapis".

... e velis (!!) lis videopoesiis "Spicelapis". Une idee dai FAntats Furlans dut un cun le associazion Pionîrs, svilupade e realizzade cun cetante braure dai Viandants (Cinzia e Giulio e son semplicementri fantastics !).

Dopo al è stât il turno di "Sunsatôr" (Rajafilms) che al à dat une scjassade no di pôc cun lis intervistis a un cuatri musiciscj dai miôr de musiche furlane.

E podopo al è tocjât a des new entries "Sonia e Nicola" che e àn let une cerce de lôr produzion poetiche. E jè stade une biele sorprese e and'àn vût cetancj compliments par lôr ch'al jere un debut come autôrs in lenghe furlane

E dopo e son rivadis lis oparis dal "paron di cjase" Massimo Govetto. Le anteprime dal so ultin libri "Platimi" e je stade puartade indevant cun leturis di doi professioniscj: Claudio Moret 

e Luca Zalateu compagnâts (speri di no falâ el nom) Moira

... che le vin tornade a viodi e sintî cun "The Big Michael's Bag" che al à sunât il toc "Platimi". Il toc mi à entusiasmât già di cuanche Massimo m'al veve fats scoltâ un par di setemanis prime de serade. Te serade di Vinars al è stât cualchi inconvenient tecnic te prime sunade comedât però dal providenziâl intervent di Giulio (chel dai Viandants) e le seconde sunade e à cunvint ducj:brâvs fantas, mai molâ !

e dopo o vin vût il plasè di scoltâ diretamentri da l'autôr cualchi paraule sul so sintî le poesie... e intant ducj e spietin le jessude dal libri !

insomp de serade vision di "Buris, libars di scugnî vignî" (Raja Films) il prim porno furlan ... a une certe ore si po !

Jo o ài comissionât di fâ cualchi foto des seradis a Cinzia Sut e duncje se cualchidun al à plasè o pues mandai alc (El Luche 333-3613491 / faf1995@libero.it)

 

Ma veiso vidût ce bielis fotos dal concors MISS FANTATE 2008 su http://vivalazonta.spaces.live.com/

leit leit a da un cuc !

 

Lis fotos di FAFieste su www.faf.too.it ! 

.... ancje se il timp no nus à judât, il concôrs di MISS FANTATE al è lât al di là di ogni aspetative, cun tantis concorintis bielis, simpatichis che e son jentradis sence tante fadie tal spirt dal concors e de fieste: bravis e buinis !!!! cui sarae le vincidore ???????

lis ultimis di FA.F.ieste

nus fâs veramentri plasè che e sedin vignûts fûr dai articui  su le nestre FA.Fieste sie su "Il Friuli" che su "La Vita Cattolica" ....ma al varès di saltâ fûr ancjemò alc!

già ch'o sin o aprofitin par comunicâ il

regolament pai zucs di sabide dopomisdi

 

e par inzornâ il regolament  pe MISS FANTATE 2008

 

 

A FAFieste ai 6 di jugn - S. Marie le Lungje

Massimo Govetto al è un zovin poete di Sant Scjefin une vore preseât. Il so prim libri si po di che al è lât “a ruba” e vinars 6 o varin le fortune di podè scoltà in anteprime cualchi toc de so ultime creature “Platimi”, cun leturis di Luca Zalateu e Claudio Moretti.

 

Cemut isal vignût fûr chist progjet?

Cuant jerial? Intal setembar dal 2006, mi pâr, e une sere mi clame al miò amì Matteo Pittoni par proponimi di scrivi un toc di puartà al Premi Friûl. Dite e fate, il toc al jère stât scrit e sunât e o vevin trionfalmentri piardût, già che o jerin e insome, par sta pôc a contàle, il progjet mi vève plasût. Va ancje di giontà che le musiche e à vût simpri un puest impuartant, inte me vite e cussì vèle chi, le rispueste. Però o ai orût a ducj i coscj cirì un grop che al fasès rock, hard rock ancjemò miôr, in chèl câs achì. “Platimi” e conte di un amôr, di un amôr finît mâl o forsit nàncje mai scomenzât, che e po’ là a finile che a jè le stesse robe, no? E alore cuale musiche miôr dal hard rock par incjarnà il mè stât d’anim? Par berlà le mè rabie, par no jèssi stât bon di tirami in bande cuant che jère ore? E par jèssi stât ancje un tic cojon, lassimal dì? Hard rock, i viulins lassin che ju sunedin i agnui; al jè come dì che intun moment di amarèçe un al po’ sielgi se scoltà Vasco e ce sào jò, Gigi D’Alessio… non stin a scherçà…

 

Ancje chiste volte al sarà Claudio Moretti a lei dai toi tocs…

E ancje chiste volte mi rint cont di trop fortunât ch’o soi. Parceche Claudio al è un che si intint micul pôc, di poesie e di elaborazions artistichis in furlan. E ancje chel colp achì al à acetât vulintîr di lei lis mês poesìis. Un vêr e propit atestât di stime che mi imbaràçe un pêl, che mi gase un tic e che mi sburte a cirì di no fermami mai, di migliorami simpri. Al jè incredibil. Al jè presepôc come cuant che tu ti inamoris di une e tu ti sintis ricambiât; biel, bielisim: ma fin cuant podarajal durà? E se jè si stufe? Miôr no sta tant a pensài parsore: ogni tant bastarès ch’o rivàs a dimi “Brâv, Massimo”. Mai rivât.  

Presentinus cumò Luca Zalateu…

Biel omp, chel. Cun Luca o vin començât insieme, si po’ dì. Intal sens che al jè stât cun lui e cun Matteo Pittoni che, intal 2004, o vin mettût in pins “Pinsîrs cjapâs a rips”: une letture sceniche di poesiis in ocasion de jessude di “Voi di lusigne”: al miò primi libri. Un sucesson. Pense che di che serade al jère stât fat un cd, produzût di Campanotto, e vendût in allegât ale ristampe dal libri. Di no crodi. A voltis si dîs che i amîs, chei vêrs, si puedin contà sui dêts di une man; beh, ti spìi che Luca puès consideralu il miò mignul.

Ma tabain dal to ultim libri, cuant si podaraial cjatalu in librarie?

A jè une robe di dì, prime di dut. Cirche un an fa o ai finît di scrivi il mio prim(?)romanç: “La quinta luna”. Fin a cualchi setemane indaûr no vevi ancjemò decidût cuâl dai doi lavôrs publicà par prim. Se il romanç o “Platimi”. O ai urgençe di berlài al mond il miò sintì, il miò dolôr imbalsamât e alore o lassi che sedi chiste urgènçe, a decidi par me. Cuant che al jessarà “Platimi” di precîs no lu sai. Sperares tant di regalatal par Nadâl.

“Platimi” al continuarà il lavôr tacât cul precedent libri o al cambiarà ritmi direzion e destinazion?

Un grant amôr. E nie atri. Eco, “Platimi” al jè dut chist e nie atri che chist. Un amôr sconfinât, devastant. Un amôr ingord, afamât fin ale autodistruzion e un amôr imèns come il so no vè sperance. Un amôr cence siun e cence siums, mi ven voe di dì ma forsit no: forsit no jè cussì. Un amôr vivût di corse, ma ancje al ralentatôr; un amôr fat di domandis e di suplichis, come che si conte in “Platimi” stesse e un amôr consumât a miegis, cualchi volte, come che si cjate in “Jè”. Un amôr di cjâr, di cjâr vive e di sanc ch’al bol e di un stât di inconsolabile e testarde ecitazion come dentri “Intôr”, le mè poesie plui violente e carnâl, e un amôr che nol à plui nie di dì e nie di da, come in “Tornimi il cumò”. Un amôr ancjemò ben vîv, ch’al sedi clâr, ma un amôr destinât a spietà sul barcon. Forsit par simpri. Un grant amôr. Dut achi. Jò, che lu ai iodût di dongje, lu sfreòli cui dêts imbaraçâs di chiste memorie; content di jèssi stât, richît di chel che o ai robât. Une ultime robe, se o pues; o dîs daspes che mi plasarès che lis mes poesìis les ves scritis cualcidun atri, forsit al jè al unic sisteme par podè rivà ad aprezalis fin insomp. Ben, che volte chi le cuestion a jè difarente: che volte chì lis poesìis di chist libri o soi orgogliôs di velis scritis jò.

Une atese ancjemò plui golose se o pensin che une so poesie e vignarà musicade di bande dal grop The Big Michael’s Bag suntun ritmi hard rock.

A Fafieste ai 7 di jugn - Merêt di Cjapitul

Jonokognos. I Jonokognos e sunin rock grunge par furlan a un bon nivel tant che già tal 2002 e àn vinçût il premi friûl pe musiche. In gracie di chist ricognossiment e àn publicât l'an di dopo il  prim cd “Liendis” e l’an passât a distance di 3 agns si son autoprodots il segont dal titul “Discolç”. Rivaiso a dedicâ une cuantitât di timp
sodisfacente ae vuestre passion opur il lavôr e le vite frenetiche di vuè us an rosee masse?
Purtrop il lavôr nus rosee come ducj i normai lavoradôrs, ma per fortune i savin ancemo cjatá un spazi ogni martars di sere, dulá che i desmentéin dut se cal'é four da la sale provis. Un momente "terapeutic" cuntri la rabie e il stress dala vite quotidiane. Un moment par scoltá musiche e cjalá dentri di no.

Il vuestri fâ musiche isal plui par divertiment e passion , o ben o vês ancje un messaç di pandi?
Il messaç al é, .... però i si vergognin a spiegá cussi i nostri
tocs....alla fin baste lei i tests e i messaçs a son pi che clars. Li
speraulis a nassin di solit da li snostris feveladis in sale provis.

che atre sere che si sin cognossûts mi sês someâts dai brâfs fruts, no sarà migo vere ?   ..???? al è simpri "inbarazzânt" giudicâsi.... i sin brafs fruts furlans: fin al tramônt i stin cuiets ma a la sere metín su une altre mascare.

Jonokognos ?!? ma ce no cognosseiso ?
Il nostri nom al nas dal fat che qualchi dun di noaltris a nol saveve
suna apene che i vin tacât e al á imparat cu lá indevânt dai concierts

a FAFieste e saran lis elezions di miss fantate: preferiso fa di jurie o premiâ lis vincidoris ?
claramentri i preferiressin sei il premi!!!!!!

 

A FAFieste ai 6 di jugn - S. Marie le Lungje

Sonia e Nicola cun "Gotis di Poesie" nus leiaran cualchi toc de lôr produzion artistiche vinars ai 6 di jugn a S. Marie la Lungje. Dôs personis entusiastis che si proponi e che cjapin in man le situazion, tant che si son impossessâts ancje de interviste...

Prime di dut, us prein di scusanus pal furlan che nol sarà siguramenti coret come ortografie, ma al moment no vin a partade di man al vocabolari, cussì lu scrivin propite come che lu fevelin. O vin plasè di rispuindi a chiste piciule interviste, par fanus cognossi un poc mior prime de fieste che si tignarà al mes di giuin...a proposit...o sperin cun dut al cur che e partecipedin in tancj e, naturalmenti che i nestris lavors e plasin. Rivant ale interviste vere e proprie,o rispuindin ale prime domande che vuel savè se in passat o vin za vut ocasion di presentà i nestris lavors...Sì, o vin partecipat a plui concors di poesie, o vin ancje vut qualchi ricognosiment e medae, ma si tratave di concors in lenghe taliane. Chiste aiè le prime volte che o scrivin poesie par furlan, ecco al motif  che no savin scrivi le lenghe, ancje se cjase lu tabain ogni dì. In futur si impegnarin par imparà ancje a scrivi, amancul un poc.Chiste aiè  une bielissime occasion e sperin che al sedi dome l'inisi par tignì vive le nestre lenghe. Le idee di presentasi insieme ale fieste par lei i nestris lavors aiè nassude semplicementi pal motif che o sin amis di tancj ains, o vin interes cumuns: nus plas le letterature, le poesie, nus plas scrivi. O crot che  di quant che si sin cognussus pe prime volte: al mes di giuin o lui dal 2000, o vin simpri tabaiat di musiche, poesie, leturis...ben intindut a voltis ancje di atri, ma in dute sinceritat l'arte nus a simpri plasut. Un poc par motifs personai, un poc parcè che al destin nus a partat a falu o vin scomenciat a scrivi plui spes,e dopo o ses rivas vuatris...Nicola us cognosseve za, io pe prime volte, quindi o vin dite: cjapin chiste biele ocasion par fa sintì le nestre vos, propite devant di personis che e vivin dulà che o vivin no, che nus cognossin, che nus saludin quant che o passin pe strade e che no o saludin, ma che no san e magari no si imaginaresin mai che o scrivin. Quai che e son i progets pal futur? Be... prime di dut continuà a scrivi, ancje se a voltis al lavor al parte vie tant timp... timp che no o volaresin dedicà di plui ale scritture. O sperin però che le ispirasion no vegni mai mancul.O continuarin a partecipà a concors di poesie, a interessasi a dut ce che al riguarde chist campo.Sperin di jessi apprezas a le fieste che o fasarin al 6 e 7 di giuin, ma al di là di chist le robe plui importatante, o sperin di rivà a trasmeti a lis personis un pocjis de nestris emosions. Mandi e grasie ancjemò par venus invitas a cjapà part di chiste fieste.
Sonia e Nicola

Ve ca l'interviste al grup "cult" dai ultins vincj/trente agns i FRIZZI COMINI TONAZZI che  e sunaran a FAFieste sabide ai 07 di jugn. Siguramentri un toc di storie de musiche di chenti ma ce ch'al è ancjemò plui impuartant e son i tancj moments di divertimet e di ligrie che nus an regalât cul lôr snait, le lôr vivarositât, cun lis lôr cjançons po !

risponde Tonazzi che non si fida col furlan avendo genitori di origini venetecalabresimantovani

• O sês trai prins a vê fat musiche demenziâl in Italie: cui us aial ispirât Freak Antoni dai Skiantos o semplicementri le "nature" furlane? L'origine del gruppo è che a casa di Comini suo padre gli faceva i complimenti per le scorregge e suo cugino era famoso perchè faceva la strada centrale di Artegna saltando e scorreggiando.
• L´uniche robe serie dal vuestri grup al è il non, parce no al feminin singulâr FRIZZA COMINA TONAZZA o ancjemò miôr "FRIZZE CUMBINE TONIEZZE?Ffrizzi è fratello e nipote di cantanti e io che non so fare molto mi sono messo con loro perchè speravo di diventare un grande cantante e catturare meglio.
• ...a proposit isal tant faturôs fâ un concert ae vuestre etât? stiamo capendo pian piano che dentro sei sempre lo stesso e fuori no. più o meno. quando mi sembra che siamo patetici mi ritiro.
• e son lontans i agns otante cuanche o levis sul Zoncolan cul miez mîl (cinccent), cuanche o cjatavis il maniaco a Rigulât, cuanche Wilma nissun le cjoleve, vuestri nono al scjampave cuntune soubrette e ducj noatris o duplicavin lis vuestris cassetis, ce isal cambiât di in chê volte? Wilma era la mia morosa nel 75 ai tempi delle craccole, ma Comini diceva che era un'altra.Wilma è la mia morosa anche adesso...si fanno mooooolte meno canzoni insieme  sigh  direi nessuna ultimamente.

 A Fafieste ai 6 di jugn - S. Marie le Lungje

cuatri domandutis par cognossi un tic ducj chei che parteciparan a Fa.F.ieste: vue o sin in cun 

I VIANDANTS: dal nom de vuestre associazion mi par ch’o sês in viaç: di dulà seso partîts e cun cuale destinazion?

La idee dal viaç e je une idee che o sintìn une vore nestre: ducj i incuntris che o fasìn, a deventin une ocasion par trasmeti e scambiâ pinsîrs, emozions, par puartâ  ator blecs de nestre culture e de nestre storie. Il nestri viaç al è tacât tal 1997 cuant che o vin  presentât in tantis placis furlanis lis letaris scritis di Bepi, soldât sul front dal Carso intant de prime vuere mondiâl, ae sô femine Linde. Il spetacul, fat di leturis compagnadis di musichis al à vut sucès e di che volte no si sin plui fermâts, anzit o vin slargjât il nestri progjet inziâl, chel de presentazion “animade” di libris, puartant indenant ancje altris iniziativis: des ricercjis antropologjichis, fin ae realizazion di progjets multimediâi.

Cul lâ indenant dal timp, nus plasarès che tal nestri viaç si zontassin altris personis, par proponi gnovis ideis e  gnovis manieris di promovi la culture furlane.

O sai ch’o sês une vore atîvs, tra publicazions, spetacui cun leturis senichis in dut il Friûl, un film e cumò ancje dai videoclips: dulà cjataiso dute chiste vivarositât, dut chist snait ?

Ducj i grups e lis associazions, soredut se a caratar volontari, a van indenant in gracie de passion des personis. Fin cumò, su la nestre strade o vin cjatât int che si è lassade traspuartâ dal plasè e dal gust di fâ, di provâ, di butâsi, di lei, di tabaiâ e scambiâ ideis cul nestri public, di confrontâsi cun altris associazions.  No podìn dî che e sarâ cussì par simpri, ma fin cuant che o sintarìn chest gust, o crôt che il nestri viaç al larà indenant.

  A lis vuestris performances e ven int di dutis lis etâts, cual l’incuintri che us à lassât di plui ?
ae fin di un vuestri spetacul, ce isal che us dâ plui sodisfazion ?

Ben, ai nestris spetacui o vin int diferente a seconde dal teme che o frontìn: se si trate di leturis peadis ae tradizion furlane, il public al è un poc plui madûr di etât, se invessit, i argoments a son leâts a temis plui gjenerâi o di atualitât, il public al è in efiets di dutis lis etâts.

Ce che nus dâ simpri sodisfazion al è viodi che la int e partecipe intant des leturis. Lei al è diferent di une recitazion, che je judade dai moviments, des espressions, de senografie. Stâ daûr a di une leture, nol è simpri facil, ma o viodìn che la int a rît, si comôf, e seguìs cun atenzion ce che o contìn. Par solit, o leìn storiis e testimoniancis di vite da la int che no à fat grandis impresis, tal sens comun di cheste peraule,  ma di che int che, madonut par madonut, e à costruît la nestre storie coletive. E ae fin dal spetacul, al è simpri cualchidun che nus dîs “Savêso che mi è tocjade ancje a mi cussì”. O crot che cheste e sedi la robe che nus dâ plui sodisfazion: vê creât un leâm, tra li peraulis che o disìn e la vite de int. 

Nol è un spetacul in particolâr che nus à lassât di plui: o sin une vore leâts al prin spetacûl, chel gjavât fûr dal libri “Torno non torno”,  ma ancje a “Striis e striaments” su li stradizions popolârs, a “L’altra metà della terra”, sul mont feminin dal ‘900, e di chei  che o vin fât in colaborazion cun diferentis associazions dal teritori: “Sentâts su la valîs”,  sul teme de emigrazion in colaborazion cu la Buteghe tal mont di Glemone o ancje “Sangloçs di glerie”,  sul teme de aghe, in colaborazion cul coro di Cjamin al Tiliment. 

 

Vinars ai 6 di jugn e sarà la prime vision dai vuestris cortometraçs de serie Spicelapis, pronts a fâ la ponte ?

Pronts, sì. O sin une vore contents di podê presentâ chest nestri lavôr a FAFIESTE, parcè che la serie “Spicelapis” je vignude fûr propit  di une colaborazion cu la Associazion Pionîrs e la Associazion FAF. La idee di fonde di chest progjet e je chê di promovi  la produzion poetiche furlane, sedi chê des origjinis sedi che plui moderne, mediant di piçui video che a interpretin il significât dai tescj poetics tal contest de atualitât. Cence volê spiâ masse, o podìn dîus che ai  6 di jugn, par esempli, o varês mût di viodi cemut che une des poesiis plui antighis e devente lenghe e peraule di amôr jenfri doi zovins lavoradôrs. No o crodìn che il progjet al sedi interessant e, par chest, us spietìn ae prime vision  e, se, dopo o sarês contents, us podìn anticipâ che la serie, in gracie dai contribûts che o sperìn di ricevi ancjemò de bande de Provincie,  e varès di rivâ a lâ indenant. Tignîtnus di voli.

 

 

 

 

 1e FA.Fieste  

  velu ca il regolament pes iscrizions ae prime edizion di

MISS FANTATE 2008 

scjamilu ()e iscriviti daurman !

 1e FA.Fieste  

Sabide ai 7 di jugn FAFIESTONE a Merêt di Cjapitul tal dopo di misdi si tache cun saran zûcs fin a ore di cene ... concerton rock cui Jonokognos;  podopo Miss Fantate 2008 e po concert in formazion biologjiche dal grup che oramai al è une legende i Frizzi Comini Tonazzi.  

 

a FA.F.ieste

...si tache cul zujà

e si finìs cul braçolàsi.....

 1e FA.Fieste  

Ve cà il program pe serade dal vinars ai 6 di jugn lì de sale teatrâl mons. Biasutti a S. Marie la Lungje , si tache aes 20.45:

1e vision dai cortometraçs de serie "Spicelapis" de associazion Viandants di Basilian;

proiezion di une selezion di intervistis de trasmission "SunsAtôr" prodot de Raja Films di Massimo G.C.;

"Gotis di Poesie" di e cun Sonia e Nicola;

anteprime dal libri "Platimi" di Massimo Govetto cun leturis di Claudio Moretti e Luca Zalateu e une sunade dai The Big Michael's Bag;

proiezion dal film "Buris" prodot de Raja Films di Massimo G.C..

Le jentrade e je libare e al sarà ancje ufiart un rinfresc......

 1e FA.Fieste  

a FA.F.ieste

...si tache cul zujà

e si finìs cul braçolàsi.....