LIET FESTIVAL  - .... the winner is .....  Lis premiazions e tachin cun il vincidôr dal premi dal public, lât ai "Dr. Drer en crc posse" de Sardegne (che chi le vevi già nasade, lis votazion e jerin tacadis vie web già di sornadis prime dal festival e i Sards joibe 29 a erin già in vantaç contant suntun bon seguit - ancje li tal teatri): brâfs a Suns e brâfs ancje chi. Dopo e tachin a comunicâ i risultâts dal veri e propit award: Lino Straulino al è a miege classifiche, le lote e je dure parcè il nivel de manifestazion al è pardabon alt. E rivin i votos dal cuart ultin judic, Lino passe al 2° puest; al rive il tiarç ultin judic, Lino al è 1°; al rive il penultin judic Lino al sbrisse al 2°; ultin judic azz 3° puest. Al 'è stât comuncue entusiasmant  e noatris cuatri o vin cirût di fâ un tichinin di tifo. 3° puest al è un buinissim risultât, vere Lino? ma cui varaial vincût ?

Zina de ocitanie (intrigant) ?

Fiach de Irlande ch'al è tant plasût a lis nestris feminis ?

i esplosîvs De Foffting penns ?

...o magari i Sattuma (folk de Karelia)

i De Sovvalniks

o ancjemò i It Langstme en de dea (i parons di cjase) ?

ah si a erin i "Sunrise non secular", o forsit no...

ma alore cui ajal vincût ?

Alore tiarç o vin dite Lino Straulino, seconds ... de Sardegne ..... "Dr. Drer en crc posse" .. e prins , prins, prins , prins une hard rock band de Laponie i "Sombi" !!!!! Biele fieste, biele int biel teatro, biele musiche , biele presendadore (!) di tornâ insome !! PS par vê plui info sui artiscj che àn partecipât e i lôr link leit tal sito dal festival http://www.liet.nl/en/internationaal/.

Une corse in Frisie, a viodi el Liet Festival ! Già di timp o cîr di lâ a cognossi lis minorancis atôr pe Europe e cuanche l'an passât le mê morose mi à domandât di fâ un gîr par viodi il Liet, no mi soi tirât indaûr! Le Frisie si cjate tal nort de Olande e si po gjoldi di biei paesaçs di  cjanai e barcjis, di mulins, di pascui cun  vacjis, cjavris, pioris, cjavai libars pai prâts ... Sence fîi de alte tension in viste (ond'ài notât dome un une volte pal rest il panorama nol è stât ruvinât dai tralis, ma di mulins pe eoliche and'è a plen). Leeuwarden, le capitâl de Frisie e je grande come Udin e come a Udin si tabae oltri a le lenghe de minorance e le lenghe nazionâl ancje un so dialet. Sedi a Leeuwarden che a Groningen no vin vidût centros comerciai chi le int evidentrementri e va ancjemò in citât a fâ shopping e par grancj numars in biciclete ancje se al plûf.

Dopo che mi an linkât tal sito dai murales mi tornade indiment une foto fate ormai cinc ains indaûr in Euskadi - Paîs Basc. Un messaç impuartant clâr e net, e par che lu capedin ducj i turiscj lu àn scrit par spagnûl, inglês, todesc e francês. Già ch'o soi, us al volti par furlan:

Turist visiti che chi no tus ês ne in spagne ne in france, chi tu sês tal Paîs Basc.

Internet ti mene atôr pal mont cussì,  dopo sei stâts linkâts intun sit catalan, di un mesut a chiste bande o sin finîts ancje intun sît spagnul (cussì almancul mi somee) li che publichin fotos di murales cence cjalâ in muse nissun: di cualsisei bande dal mont e di ogni pinsîr pulitic, lassant spazi a ducj, propite ducj ! (viodin cumò in trop timp ch'o brincais lis mês fotos...)

>>> Biel cjossolant (... ce che e svuale !) Al par parfin impussibil dulà che si cjate le aquile in dì di vuè ! E le nestre acuilute nostrane e cjape, e cjape benon e dopo chê di Darte veh cà chê di Tarcint. Mandait mandait lis vuestris foto pe rubricute "ce che e svuale" e par "graffiti furlans" a faf1995@libero.it  

Cumò o sin finîts fintremai in Catalunie... Si jo ! O sin stâts linkâts su chist articul http://www.nationalia.cat/ca/noticies/437,  doprant come imagjin (jenfri dutis chês che si puedin cjatâ), le foto de coreografie fate al stadi cualchi àn indaûr cuintri l'Inter in colaborazion cul grup "Ultras":  ce onôr !  Anin a viodi ancje http://www.ciemen.cat/ 

"Concorenze" ... Speciâl ! Tal stes moment (o forsit ancje un tichinin  prime) che e vignivin fûr lis "nestris" bustutis dal sucar, l'ASS n. 5 Basse Furlane e veve mitût in distribuzion chestis impuartantissimis bustutis che e publicizzavin i programs gratuits di screening pes feminis: "Cjape a pet la tô salût - Tu puedis fâ tant pe tô  Salût . No stâ pierdi timp ven a controlâti ." Domandailis lì che lis distribuissin/fasin !!!! Une iniziative pardabon biele ... e un'atre bustute di colezion. Si parcè che, nus àn publicât lis nestris "Cemût sêstu vuê?" inte riviste semestrâl dai colezioniscj talians. Se cualchidun le brinche che nus mandi une copie/fotocopie/scansion. Dopo, o sai che atôr a esistin ancje atres bustutis par furlan segnalaitlis !

>>> Biel cjossolant (Grafiti furlans):  LAVITI LIS MANS !  Mans netis, vie lis malatiis ! (Cussì mi pâr che al sedi scrit ta l'adesîf).Ancje chê o ài cjatât (!) dongje dal lavandin te toilette di une frascje tal comun di S. Marie la Lungje ! Manditmi fotos pe rubriche >>> Biel cjossolant sei pe sezion "Grafiti furlans", sei pe sezion "Ce che e svuale" a  faf1995@libero.it . Grazie e mandi

>>> Biel cjossolant (Grafiti furlans):  VOTA' ! DUT DI BANT ! A Gradiscje di Sedean cualchidun al à orût fâsi il so biel cartel anti-eletorâl permanent...

Tabele dai efiets de cjoche: un pôc par ridi, ....  un pôc par no vaî dopo !

>>> Biel cjossolant (Grafiti furlans): nie di miôr a Prât (di Cjargne), che scrivi il non dal paîs diretamentri tal so ambient naturâl (veiso mai vidût le tor... e jè plui stuarte che no chê di Pisa !).

>>> Biel cjossolant (Grafiti furlans): For Davuatri. Cussì mi plasin lis insegnis di buteghis (e di cualsisei ativitât economiche)   claris par ducj residents e forescj: "Bed & Breakfast - Durmî e Colazion". E se a son simpatichis al è ancjemò miôr!  "Panificio - Pan e cjalo ator"  frase induvinade vidût cemût ch'a è logade le paneterie (cun ancje tancj bons dolç!).

>>> Biel cjossolant (Grafiti furlans): For Davuatri. Il municipi al devente "Cjaso dal Cumun". Te faciade de gleseute o cjatin invesit "Sant'Antoni preo par nuo".

>>> Biel cjossolant (Grafiti furlans):Ca o sin a Padiâr tal comun di Udin e chist mûr al somee net....invecit e stâ tornant fûr une vecje scrite ch'e dîs "Pal to lavôr, vote furlan". Ma no sai se al è plui facil cjatâ lavôr o rivâ a votâ un furlan (di sest!).

>>> Biel cjossolant (Grafiti furlans):

>>> Biel cjossolant (Grafiti furlans): in spiete che ilFurlanist al tiri sù le sierande, e torne le rubricute des fotos di scritis par furlan fatis cun cualsisei imprest e su cualsisei superficie. Vuè  o vin l'AFDS (i donadôrs di sanc) cun la lôr ""AFDS mobile"". Ducj o sin clamâts a dâ il nestri contribût: ducj a donâ sanc !