"Danzando tra i popoli ... dei Balcani". Come ogni an il grup folkloristic "Danzerini Udinesi" al organizze chist festival folk. Vinars di sere concert par Musiche Furlane Fuarte dai Jo No Kognos, dal sigûr al sarà ancje il nestri bancut  une ocasion di no piardi. Ve chi i tacât il program da l'event.

oh yes ! E stâ par rivâ Musikemate tigninsi libars pal 18 di lui: chist an e sunaràn: Cisco (ex Modena City Ramblers), Arbe Garbe, Bo & the Boilers, Mellow Mood, Umut Adan. Organizât come simpri de associazion "LaLuna", come simpri bancut dai Fantats Furlans a vuestre disposizion !

Fane: biele fieste a Fane (PN) par San Martin che e varà in domenie 16 le zornade clou. Al merte fat un zîr e cerçât i prodots locai tra cui la bire artisanâl furlane "La birra di Meni" prodote li dongje a Cjavàs. Di marcâ le sielte dai nons des biris (Siriviela, Runcis, Comatârs, Pirinat, Centis, Marals) dal gust furlan. Ancje par domenie al sarà presint il bancut dal FA.F. Si viodin !

Fane (PN) le Pro loco dal paîs nus à invidâts a partecipâ cul nestri bancut a le fieste di S. Martin ... e noatris i nin , of course .... di corse ! ai 9 e ai 16 di novembar nus cjatais alì... viva !

Amarcord: mi son rivadis in maniere involontarie e improvise chistis fotos in blanc e neri dal nestri bancut a Friuli doc. A cjalalis cussì somein dal 2002. Biei timps, cumò a Friuli Doc no vin plui intenzion di lâ, il comun di Udin nus fat bassilâ masse tai ultins ains.

Tignîsi libars sabide, e rive MUSIKEMATE !!!

ai 19 di lui Musikemate a manete !

Apontament oramai consolidât chel dal nestri bancut a "Musikemate" in localitât Rose di S. Vît al Tiliment, lì da l'ipodrom. L'aveniment al è organizzât de associazion di volontariât "La Luna" di Cjasarse. Ve chì il program:

CONCERTI E CULTURA - SAN VITO AL TAGLIAMENTO (PN)
FRAZ. ROSA – PRESSO IPPODROMO SUONERANNO DALLE 19.30

FOLKABBESTIA (Puglia)
CAPITAIN JIVE (Friuli)
SAINT JOHN UPON THE FIRED HOUSE (Friuli)
BANDE TZINGARE (Friuli)
I PROGETTI GIOVANI DELLA PROVINCIA DI PORDENONE PRESENTERANNO IL PROGETTO ´SIAMO MILIONI DI CUORI...´

INGRESSO GRATUITO

IL RICAVATO DELLA MANIFESTAZIONE SARA´ DEVOLUTO ALL´ASSOCIAZIONE DI VOLONTARIATO LALUNA CHE OPERA CON PERSONE DISABILI.

Saranno presenti: COOP. SOC. FUTURA; COOP.SOC. LILLIPUT; COOP.SOC. PICCOLO PRINCIPE; PUNTO GIOVANI; PROGETTO GIOVANI; RADIO ONDE FURLANE; FANTATS FURLANS

ve cà une foto di repertori da l'an passât Aldo Rossi e Ninine al nestri bancut...... fantats dulà sêso finîts ?

Al è simpri biel cjatâsi a Gonârs, in ligrie buine bire (chê dal chiosco dai Bikers) e bielis frutis ... Segnalin ancje il biel chiosco de associazioni Ammanita cun "a manete" e i dj's di Abrasive (trasmission di Onde Furlane) in vore... 

Leit a viodi dutis lis fotos tal nestri sito... viva !

Invidâts dal locâl sportel pe lenghe furlane, a Rivignan nus è lade avonde ben. Un grazie di cûr a Barbara le sporteliste  che di sô iniziative e à mitût insieme un biel stand a l'interni de "Fiere da Sants", lant a recuperà materiâl di ogni bande: Filologjiche, Patrie, Il Diari, aziendis sanitariis, Cirf, Cuf e chei sdrondenâts dal FA.F. Compliments ancjemò a Barbara.

Un biel regâl al spiete il passaç dai frutins li dal bancut dai Fantats Furlans a Rivignan in ocasion de Fiere dai Sants. Une sorprese, une gnove idee dedicade a ducj i fruts e che, se e varà un bon acet, e podarà sei ripetude in atris ocasions. Ce mai saraial ? Un termometri tarocât o diretamentri une justificazion par no lâ a scuele ? Une sclope tire rais laser ? Une scliçe budiesis ? Anin di corse a Rivignan prime ch' e finissin !

Fieste da Sants a Rivignan !   Il sportel pe lenghe furlane nus à clamâts dentri del lôr stand (viart par dute la manifestazion) e cussì o sarin presints cuntun nestri bancut  joibe al prin di novembar e domenie ai 4. Grazie par venus invidâts e grazie a chei che passaran !

Sabide chiste nus cjatarès al Motoraduno di Gonars ..... 

(il filmadut si riferis a l'an passât)

 Vè ca  la foto dal nestri bancut a Flaiban e de nestre bandiere lì da l'ingres de mostre.  Juste dongje di noatris al jere il stand de compagnie teatrâl "Picje dispicje" che e à mitût intun panel chist simpaticissim sfuei... dut di lei e ridi !

Chiste sere e doman, cjatarês il nestri bancut a Flaiban lì che fasin une manifestazion dal nom "un biel vivi" cun ancje prodots artigjanai. E s'al vès di plovi, o sin a sotet, duncje no vês scusis !.. maman

Friuli Doc: se nol fos che rivin e o savin divertisi ancje cuanche lis robis no va cemut che varessin, no sai ce ch' al sarès sucedût (il marum riscjave di  trasformâsi in tristerie). Il puest che il comun nus à riservât no nus à permetût di vè il riscontro ch'o vevin consolidât in passe dîs edizions a chiste manifestazion. Pôs i contats e pocjis lis ufiartis. Ma come ch'o disevin noatris rivin a saltâ simpri fûr. Grazie a ducj e in particolâr a lis nestris frutis. maman

  Friuli Doc ! Ancje par chist an o sarin presints a le kermesse di Udin. Dopo cualchi berdei burocratic e cualchi incomprension cul comun, chiste e sarà probabilmentri le ultime volte che i FAntats e parteciparan a chist aveniment (o sin presint già de prime edizion dal '95 !). Di cualchi an in ca masse restrizions, vincui e diviets ! Masse impegnative le nestre presince (par cemut che le pretint il comun. Forsit no an ancjemò capit ben, che noatris o sin une associazion !) Lassant in bande chiscj discôrs (doverôs dut câs) us visin che nus an spostât e che nus cjatarès di vinars a domenie in Vie Valvason (che stradude che  dal bar "al Cappello" e va ju bande il bar "ai Torriani".

Il quiz dal mês. Le soluzion e le e premiazion.  Vinars stât e je stade fate le premiazion pal quiz dal mês di avost: Dulà ise lade a finî la Ninine ? A Ramandul, tal comun di Nimis! Ve ca i vincidôrs: prin, ma fûr classifiche parcè che al à già vinçût masse, "BARO" - nissun premi ! 1) Andrea D.di Daèl 03/08/07 h. 15.51 ;  2) Priscilla 04/08/07 h. 16.48 ; 3) Valentina 06/08/07 h. 19.41.

A Musike Mate e jè lade ben.... e a turno tal nestri grup al è cualchidun ch'al à di fâ l'artist cun l'esposizion ... ve ca : - Ce cjalitu? - Ti ten di voli ! - .... disnicimi ... - "Frut daûr". ... bisugne stâ atents !

Us spietin ducj a MUSIKEMATE  li da l'ipodrom in localitât "Rosa" a San Vît al Tiliment par une serade di musiche e fieste cun Radio Zastava e Guappecartò. E sarà ancje une ocasion par passà a cjatâ chei matarans dal FAF che e varan il lôr bancut !

A Gonars la faune e je "buine" e e va tutelade ancje dal V.V.F. : V.eri  V.edranis  F.urlanis.  Mandi bielis e a la prossime ! Atris fotos dal nestri bancut a Gonars tu lis cjatais su www.faf.too.it.

dis,           9,

8,        siet,

6,       cinc,

cuatri,          3,

doi,      1

0

Domenie ai 15/04/07 il bancut dal FA.F a  GONARS !  

Si par viodi cui ch'al sarà plui stuart: il bancut ? i Fantats ? il fotografo? la nestre acuilute nus cognos oramai e si grampe simpri ben !

Gonars: un bancut ledrôs !

Gonars: une cjalade dal nestri bancut

Gonars: minimotos al motoraduno in vore

a Gonars si torne ben vulintîr !

Nus àn invidâts par sabide chiste... al Biker Fest... + sêt + pore + gole ?

Cormôr Salvadi

Ancje chist an sin rivâts a fâ un bancut a Morteàn... ma ce faturis ! Dome il nestri purcitut si è divertût ....

Fieste des minorancis

sabide stade, invidâts dal CIRF, o vin fat di corse un bancut in place Libertât a Udin par le setemane des lenghis minoritaris. Un bancut sclagn ma che al à vût il so moment parvie che al è stât riprendût de Rai regjonâl tal servizi sul event ...miôr che une pidade tal cûl ! Chiste e jè la setemane dal "Cormôr Salvadi",  magari si viodin lavie ! se si rive fasarin un bancut vinars domanie mai , ciutu savê ?!

la corse sflacje !

di buinore... prime de ploe..

e el bancut al cjape la corse!