FREGUL - La presentazion (par chei che se son piardude...) - Stant che le opare  è je une vore curte no si pò piardi plui timp a presentâle che a leile. E duncje chiste, plui che une presentazion e sarà un ringraziament e un brindisi. Ma cuatri paraulis bisugne pur dilis. E cussì.... il FAF Fantats Furlans al è braurôs di batiâ l’ultin librut (formât milfrancs di stampalternativa) de golaine “FREGUL” che come che dîs le stesse paraule FREGUL, si tabae di une robe piçule  ma no par chest cence valôr. In efiets si trate di une cerce, di une gote di furlanetât che come tal nestri stîl le vin fate cun snait e murbin par rindile golose ai giovins furlans. E se il FAF al è di oramai dodis ains ch’al è in pins -  al ûl dî che le nestre ativitât, par trop piçule e je stade preseade e seguide.Il titul dal librut al è “Ce che al coste un taj”. Ma ca o sin a tabajâ di un TAJ che nissun di noatris al à voe di gloti: l’imagjin des statuis di Florean e Venturin cjonçadis dai lôr atribûts. Chist argoment nus è vignut indiment cuanche tal 2005 il comun di Udin, par bocje di une vigilesse nus à improibit di puartà tal nestri stand a Friuli Doc, le nestre amie“MARIE” par cuestions di decoro. Cui ise Marie ? Ce varae mai cumbinât chiste fantate ? Marie al è un manichin feminin che lu vevin vistût cuntun complet intim scherzôs e simpatic e par chest i polizais vevin dât il sfueidivie tant che persone no gradide in citât. Ma di dulà vignivial fûr dut chist perbenisim udinês ? …. cjalantsi atôr, il voli al è colât su Florean e Venturin che di secui oramai tegnin a mens place Libertât. Puarins … mi sgrisuli ogni volte che ju viôt ! Di ca alore l’idee di provâ a viodi ce che pensave la int a chist proposit,  metint dongje intune vignete i nestris  doi gjigants e il David di Firenze (che lui al à dut a so puest….). Ca lis  batudis e son stadis di ogni sorte - ma il valôr al sta te cuantitât di lenghis dopradis: furlan, talian, calabrês, sicilian, spagnul francês, inglês, gjaponês ! Il Fregul se ben cussì piçul al à une so struture articolade: dedicât al la nestre Marie,  al à une presentazion polemiche parvie dal discôrs sul decoro che si faseve prime, une pagjinute dedicade a la mitologje di Ercole e Caco,  un cjapitul su la storie des statuis che al contrari di ce che si po pensà, e an vût une vite movimentade. Te part centrâl cjatin invesit l’insert dedicât a lis batudis scritis dai passants di Friuli doc. Di plui no vuei contaus par no gjavaus il plasè de leture. Tachin alore cui ringraziaments: prin di ducj...  al Comun di Udin che cul so diviet nus à dat un’atre biele idee (des robis brutis an puedin nassi di bielis) a dute le int che e a lassât il so contribût scrit, grazie a ducj chei che nus àn dât des piçulis ma preziosis indicazions e contribûts, grazie a Silvia Zamparo che a fat la ricercje su la storie dai amigos, grazie a Stefano Celona par l’adatament grafic des vignetis e par lis dôs “cuviartoriis” chê dal librut  - e chê da l’insert .......... I tescj e l'impagjinazion par cure di Luca Gervasio. Salût ! par viodi lis fotos de presentazion  e i vecjos numars di fregul valà cjale su www.faf.too.it .