EMOZIONS D'IGJUSTRI - Concors di poesie - 3e edizion. CUltime setemane par partecipâ al concors che chist an al varà come teme " TI SLUNGJI LA MAN".  Par altris informazions, si pues cjalâ sul sît dal Comun di Basilian www.comune.basiliano.ud.it. Mandi
 --
Sportel lenghe furlane - Comun di Basilian
Centri culturâl "Villa Zamparo"
vie Rome 11 - Basilian
tel. 0432/849730
Oraris pal public: vinars 10-12 / 15-17

LIET FESTIVAL – In jurie pal Friûl Moira B.  (intervistute dal Luche...). Le jurie che e à valutât i partecipants dal Liet e jere formade di 11 judiç (1 par ogni minorance in concors) e pal Friûl o vevin Mojra B. preseade presentadore de trasmission “Sunsurs” su Onde Furlane e  presentadore ancje di plui di cualchi edizion dal Premi Friûl. A proposit di presendadôrs (cjale le foto ca sot),  chei vidûts al Teatri Harmonie di Leeuwarden a erin brâvs e simpatics e mi son someâts ae altece de situazion distringantsi ben te alternace tra il frison e l’inglês: ti ano convinçût ancje ti ?
No pues che rispuindi di si! Al è di zontà ancje il fat che dute le organizazion de serade e je stade impecabile: dai tecnics sul palc ai fonics e vie indenant, presentadôrs comprindûts, nue al è stât lassât al câs.

A proposit invesit de gare, come judiçs ce imprescj veviso par valutâ i concorints (biografiis, tescj dai tocs par inglês), e su cualis peculiaritâts si ise concentrade di plui la jurie (vôs,  tescj, presince, componiment musicâl, cariere, e v.i.) ?
Un pôc di dut ce che tu âs anticipât tu. Le richieste e je chê di valutâ complessivementri ogni grup pe cualitât de musiche (possibilmentri no masse peade ae tradizion e al folklôr), pal test, pe esibizion e performance. In plui, e su chest o pandi lis mes perplesitâts, al ven domandât di considerà ancje il mût di presentâsi dal artist, ven a stai il vistît, tradizionâl o mancul. Par spiegâ miôr ti fâs l'esempi dai vincidôrs, il grup Sami dai Somby: cuatri fantacins e un toc stil metal a le Iron Maiden; performance energiche, biele vôs de cjantante, biei di viodi tai lôr vistîts tradizionai sami. E il zuc al è fat :)


Tra vuatris de jurie si sêso confrontâts, o sêso lâts tal “confessionâl” un ae volte ?
Le imagjine dal confessionâl mi fâs soridi....ma je lade un pôc cussì! Ancje in chest câs o resti un pôc stranide: no si discut masse, dopo un piçul confront ogniun al da i soi votos par ogni grup (si partis di un massimo di dodis pal miôr e si finis cul un pal "pies") e si calcole le medie. Une decision avonde matematiche insome. O zonti comuncue che il spirt de manifestazion al va veramentri oltre l'aspiet de competizion: o pensi che par ogni grup rapresenti une esperienze di insiorament dome pal fat di jessi presints e di vignî in contat cun altris realtâts linguistichis e culturâls.

O ài vût l’impression che i  media tignissin in fuarte considerazion  il Festival (personalmentri le di dal Liet mi soi sintonizzât tal dopo di misdi sui 92.20 di radio “Fryslân”  li che intune trasmission  e  vignivin presentâts i tocs in gare – le Tv regjonâl invesit e jere presinte in teatri  con tancj operadôrs e le serade e sarès lade in onde cualchi di dopo, tal web e vignarà fûr di ca a cualchi setemane), parcè chi in Friûl nond’è le stesse atenzion cul Premi Friûl ?
M'al domandi ancje jo. O fevelìn di une situazion, il Premi Friul, che di simpri e je une vore vivarose, se  pensìn ae cualitât da lis propuestis e ae varietât musicâl da lis stessis. Cjalant in gjenerâl ae esperience frisone, dulà che tes scuelis si pratiche cun trancuilitât il trilinguisim (frison, olandês, inglês) o sin di sigûr indaûr. Forsit in chest i stes frisons e son un poc plui "iluminâts" di no.


Grazie a Mojra pe dispunibilitât .... a riviodisi al Premi Friûl e po dopo in Galles !

Liet foto gallery (Council of Europe)

Concerts pe Etiopie / a pro dal progjet Mamre: vinars ai 20 e sabide ai 21 di novembar li dal "Garage 56" a Basandiele, e sunaràn:

Vinars 20 - "luna e un quarto - bubblefish - radio zastava

Sabide 21 Parafangos -Hellvhate - After Moat,

Event segnalât dai Parafangos

LIET FESTIVAL  - .... the winner is .....  Lis premiazions e tachin cun il vincidôr dal premi dal public, lât ai "Dr. Drer en crc posse" de Sardegne (che chi le vevi già nasade, lis votazion e jerin tacadis vie web già di sornadis prime dal festival e i Sards joibe 29 a erin già in vantaç contant suntun bon seguit - ancje li tal teatri): brâfs a Suns e brâfs ancje chi. Dopo e tachin a comunicâ i risultâts dal veri e propit award: Lino Straulino al è a miege classifiche, le lote e je dure parcè il nivel de manifestazion al è pardabon alt. E rivin i votos dal cuart ultin judic, Lino passe al 2° puest; al rive il tiarç ultin judic, Lino al è 1°; al rive il penultin judic Lino al sbrisse al 2°; ultin judic azz 3° puest. Al 'è stât comuncue entusiasmant  e noatris cuatri o vin cirût di fâ un tichinin di tifo. 3° puest al è un buinissim risultât, vere Lino? ma cui varaial vincût ?

Zina de ocitanie (intrigant) ?

Fiach de Irlande ch'al è tant plasût a lis nestris feminis ?

i esplosîvs De Foffting penns ?

...o magari i Sattuma (folk de Karelia)

i De Sovvalniks

o ancjemò i It Langstme en de dea (i parons di cjase) ?

ah si a erin i "Sunrise non secular", o forsit no...

ma alore cui ajal vincût ?

Alore tiarç o vin dite Lino Straulino, seconds ... de Sardegne ..... "Dr. Drer en crc posse" .. e prins , prins, prins , prins une hard rock band de Laponie i "Sombi" !!!!! Biele fieste, biele int biel teatro, biele musiche , biele presendadore (!) di tornâ insome !! PS par vê plui info sui artiscj che àn partecipât e i lôr link leit tal sito dal festival http://www.liet.nl/en/internationaal/.

Une corse in Frisie, a viodi el Liet Festival ! Già di timp o cîr di lâ a cognossi lis minorancis atôr pe Europe e cuanche l'an passât le mê morose mi à domandât di fâ un gîr par viodi il Liet, no mi soi tirât indaûr! Le Frisie si cjate tal nort de Olande e si po gjoldi di biei paesaçs di  cjanai e barcjis, di mulins, di pascui cun  vacjis, cjavris, pioris, cjavai libars pai prâts ... Sence fîi de alte tension in viste (ond'ài notât dome un une volte pal rest il panorama nol è stât ruvinât dai tralis, ma di mulins pe eoliche and'è a plen). Leeuwarden, le capitâl de Frisie e je grande come Udin e come a Udin si tabae oltri a le lenghe de minorance e le lenghe nazionâl ancje un so dialet. Sedi a Leeuwarden che a Groningen no vin vidût centros comerciai chi le int evidentrementri e va ancjemò in citât a fâ shopping e par grancj numars in biciclete ancje se al plûf.