>>> Biel cjossolant (Grafiti furlans): For Davuatri. Il municipi al devente "Cjaso dal Cumun". Te faciade de gleseute o cjatin invesit "Sant'Antoni preo par nuo".

Sêstu in astinence e no tu sâs dulà cjatâ lis gnovis bustutis pai drogâts  ...  di  furlan ? No stâ fâ il ruspi !  Se tu âs un ambient e tu âs voe di vê lis "nestris" bustutis di sucar, tu puedis cjatalis a l'ingrues li dal VIVO Friuli sie in vie Verone a Cussignà (Udin) che a Passons (ss. par Dignan), a Pocenie li di PIETRO NOLGI SNC ma ancje diretamentri li che lis àn prontadis Scarbolo Zuccheri a Remanzâs - z.i.

Video: ancjemò un grup Basc, i KENzazpi (dal lôr CD Bidean) cun "Besarkatu" 

e la lôr "Ilargia.

Vuatris leit a Friuli doc..... Come anticipât un an indaûr, pe prime volte de storie de manifestazion di Friuli Doc al mancjarà il nestri bancut. Il comun di Udin par man dai soi incjariâts nus an mitût in condizions di no podê partecipâ cun vincui, berdeis burocratics, puest assegnât sacrificant, e coscj che une associazion come le nestre no je in grât di sostignî. Propite cussì, tai ultins agns nus an rot lis balis pal pôc decorôs completin intim ("ce cjalitu?" - "disnicimi") rivant a le censure (!), nus àn tomentât domandant le nestre presince in dutis lis zornadis de manifestazion (ma noatris o sin une associazion e i fasin tal timp libar - sabide e domenie !), po te passade edizion nus an imbusât intun puest mal frecuentât e par di plui obleantnus a cjoli un gazebo secont i lôr standard. Bye Bye Friuli Doc:" siare le puarte Mighel, che i nin vie !!" Dutcâs par pure coincidenze lassarìn il testimoni a le Friulpoint che e varà il so stand in vie Vittorio Veneto (scuasit denant de pueste centrâl). Un'atre segnalazion doverose e rivuarde le mostre dai "Gnognosaurs" li de sede de SFF in vie Manin. Bon divertiment. ... intant jo o fâs une scjampade a Dortmunt a bevi une birute ! maman !

Scuviarte sensazionâl di Messaggero Veneto e Leghe Nord: il Tiliment al nas lì da l’”orrido di Sappada”. In ben doi articui dal messaggero di vuè 15/09/08 che e tabain de fieste de padanie a Vignesie di iar, al ven ripuartât che i caporions de leghe nord furlans e son lâts cualchi di indaûr a cjoli le aghe dal Tiliment fintremai li da l’"orrido di Sappada". E jo che o crodevi che al nasses al Pas de Maurie e che par Sappade al passas il Plâf …e si che e son a un pôs di km un di chel atri ! - Un erôr par da bon grâf e al sarès curiôs savê se veramentri i sotans furlanspadans e an prelevât sul serio le aghe a Sapade o mancul; e reste le nanade dal gjonalist dal "MSG Venit".

P.S. Il slogan de manifestazion tignude a Vignese al al jere "Uomini delle colonie padane prepariamoci": colonie ???!!! Colonie a cui ?! Berto, stâ tal to. Mi pâr tant che stant a Rome tu âs imparât subite a slungjâ lis mans.

Gnovis bustinis pai drogâts  ...  di  furlan !  Gnove iniziative dal FAF in colaborazion cun le Friulpoint: e son in distribuzion (a l'ingrues par locai e ambients - e tai locai e ambients par ducjucuancju !) lis bustis dal sucar par furlan. Une operazion particolar-mentri golose pai colezioniscj stant che e son vincj divertentis e difarentis imagjinis. Tacait a metilis dongje ... e magari a sgambialis (come cun lis figurinis) !

La farie di Radio onde furlane : Leo,Tubet e Pier original jam session su un riddim dub.Zeno .....  

Video: KOSOVNI ODPADKI - Casino Paradajz (info) - e par chei che no vessin di vele già scoltade, ve ca l'mp3 de  mitiche Bye Bye Bombe