USGNOT E TACHE LA RASSEGNE "PUINTS" A CODER DI SEDEAN - cun "STRIIS E STRIAMENTS TAL FRIÛL DI MIEÇ" e o podarìn preseâ le associazion culturâl "Viandants" in sene a lei bocons des storiis misteriosis e ferbintis dal Friûl di une volte.

P.S. jo no podarai sei ... no steit a tignî masse di voli la mê morose !

Vinars ai 30 di novembar e Sabide prin di dicembar si puedin scoltâ la miôr produzion di musiche furlane da l'an e i finaliscj dal concôrs dal Premi Friûl pe Musiche Furlane Fuarte. (lei l'articul di Leo) Il dut al Palamostre di Udin e al sarà ancje l'ami Aldo Rossi ... mandi !

In cime al Tersadie ! Biele gjite iar parsore Rualp e Val (i paesuts che e vevin ospitât Pre Beline prime di "traslocâ" a Visepente). Une cjaminadute di tre oris (un pâr di oris su strade forestâl e podopo al tache il troi): ma che se le ài fate jo cundut ce ch'o fumi, e puedin rivâ ducj. Nufcent metros di dislivel par rivâ a m.1959 s.l.m. e par dut il percôrs nus à fat comanie il Mont Sernio.  Tal ultin toc e jere ancje la nêf! De cime si viôt dute la mont furlane ma ancje de Carinzie: come che si dîs, un panorame a 360° !. La zornade e je stade scuasit perfete... No sai parcè jo continuavi a clamâlu Bernadie al puest di Tersadie come tal filmadut ca sot.

Sul Messaggero di vuè al è un articulut a proposit di Floreàn e Venturin .... e an di tornâ a metiji su lis cuviartoriis che j vevin gjavât ta l'ultin restauro.... e il picje dispicje - gjave e torne met su- al continue, forsit propite par fâ in maniere che noatris dal FAF sedin obleâts a inzornâ il nestri Fregul che al tabae propit di lôr.  Dutcâs al è miôr viodi un par di mudantis che un par di "evirâts" ! Cualchidun nol à spietât un moment a fanus savè che al è mert dal nestri librut che lis aghis si son motis, ma noatris restin simpri in spiete che a tornedin totalmentri normai !

Invidâts dal locâl sportel pe lenghe furlane, a Rivignan nus è lade avonde ben. Un grazie di cûr a Barbara le sporteliste  che di sô iniziative e à mitût insieme un biel stand a l'interni de "Fiere da Sants", lant a recuperà materiâl di ogni bande: Filologjiche, Patrie, Il Diari, aziendis sanitariis, Cirf, Cuf e chei sdrondenâts dal FA.F. Compliments ancjemò a Barbara.

Chi ch'al è il simpatic regalut ch'o vin distribuît ai frutins di passaç a Rivignan. Un balonut zâl cun stampât intor un poleçut e la scrite "par furlan... si ven su ben!" O pues dius ch'al è plasût une vore... e stant che jere plui che atri une prove cumò si metarin in vore par comedâ la grafiche e la cualitât dal logo.