Il quiz dal mês: Setembar.Induvindel n° 7. Quiz inmaneât dai Fantats Furlans.  Ai prins tre che rispuindaran coretementri a l'induvinel (scrivint la rispueste esclusivementri a faf1995@libero.it) podaràn vinci rispetivementri : al prin une memorie USB da Mb512 inseride intun maraveôs braçâl;  al secont une maute (di sielzi esclusivementri su www.faf.too.it te sezion materiâl) al tiarç la bandiere dal Friûl o un libri (di sielgi tra: a) Arlêf - Arlêf 2002, b) No steit a crodi a ce ch'o 10 - Arlêf 2004, c) i 90mhz di  Onde furlane). Chei che e àn già vinçût dôs voltis no varàn dirit a premis che e vignaràn assegnâts ai concorints sucessîvs (pal moment o vin discriminât dome: C.R., M.D. e Baro) . Dutcâs podaràn partecipâ a la premiazion e bevi un taj cun "ducjucuancju".  Lis soluzions e i  vincidôrs vignaràn publicâts dentri de setemane dopo de scadence.

Friuli Doc: se nol fos che rivin e o savin divertisi ancje cuanche lis robis no va cemut che varessin, no sai ce ch' al sarès sucedût (il marum riscjave di  trasformâsi in tristerie). Il puest che il comun nus à riservât no nus à permetût di vè il riscontro ch'o vevin consolidât in passe dîs edizions a chiste manifestazion. Pôs i contats e pocjis lis ufiartis. Ma come ch'o disevin noatris rivin a saltâ simpri fûr. Grazie a ducj e in particolâr a lis nestris frutis. maman

  Friuli Doc ! Ancje par chist an o sarin presints a le kermesse di Udin. Dopo cualchi berdei burocratic e cualchi incomprension cul comun, chiste e sarà probabilmentri le ultime volte che i FAntats e parteciparan a chist aveniment (o sin presint già de prime edizion dal '95 !). Di cualchi an in ca masse restrizions, vincui e diviets ! Masse impegnative le nestre presince (par cemut che le pretint il comun. Forsit no an ancjemò capit ben, che noatris o sin une associazion !) Lassant in bande chiscj discôrs (doverôs dut câs) us visin che nus an spostât e che nus cjatarès di vinars a domenie in Vie Valvason (che stradude che  dal bar "al Cappello" e va ju bande il bar "ai Torriani".

Il quiz dal mês. Le soluzion e le e premiazion.  Vinars stât e je stade fate le premiazion pal quiz dal mês di avost: Dulà ise lade a finî la Ninine ? A Ramandul, tal comun di Nimis! Ve ca i vincidôrs: prin, ma fûr classifiche parcè che al à già vinçût masse, "BARO" - nissun premi ! 1) Andrea D.di Daèl 03/08/07 h. 15.51 ;  2) Priscilla 04/08/07 h. 16.48 ; 3) Valentina 06/08/07 h. 19.41.

Apontament cul folklôr chist vinarsabidedomenie 789setembar a Blessan (tal comun di Basilian) organizzât par cure dai "Gruppo Folkloristico Danzerini Udinesi" e de pro loco di Blessan: "Danzando tra i popoli ... del Danubio"  (Musiche danze, tradizioni, colori e cucina) cun grups che rivin de Slovachie Romanie Ongjarie Bulgarie. Nol mancjarà il bancut dai FAntats Furlans che aprofitaran par consegnâ i premis dai quizzz. Ca sot cjatais il program de fieste....

Il quiz dal mês: Avost.Spietant le soluzion e le premiazion... La tiarce persone a induvinâ il quiz di avost e je stade Valentina che, stant che no cumbinave di fâ le scjampade a le premiazion di doman a Blessan, o soi passât li di je a fa le consegne. Valentina no je plui giovanissime a le anagrafe ma ben di spirt (e à ancje un blog). A cjase so o ài vût un calorôs e bon acet. Pensait, o voi a puartà un premi e o torni a cjase cuntun regâl fat dal so omp Vigjiram... Robesdinocrodi (disarès Ines) !