Publicitât creative !

Ancjemò  Youtube e ancjemò artiscj di chenti:

Les tamburs de Topolo ju ài cjatâts propite cumò !

e supercjar, lu veiso vidût ?

Atôr su youtube o vin cjatât  Lino Straulino !

Lezionute : furlan - basc

Provis tecnichis di Trasmission: tachin cun Fabian

e scrivin par "very furlan people" ! nin a da un voli a chist  sito web une vore interessant li che si puedin cjatâ ce fa di sere, i forum, i blogs, il timp e v.i.

A Musike Mate e jè lade ben.... e a turno tal nestri grup al è cualchidun ch'al à di fâ l'artist cun l'esposizion ... ve ca : - Ce cjalitu? - Ti ten di voli ! - .... disnicimi ... - "Frut daûr". ... bisugne stâ atents !

I furlans

Al è dificil dî alc sul caratar dai furlans, cirî di fâ une sintesi des usancis gjenerâls di un popul piçul che al fevele ancjemò une sô lenghe, ancje se subalterne, incuinade dal talian e dal venit. La emigrazion e il spostament a àn alterât la vecje struture psicologjiche; il ritmi de vite contemporanie al à rot lis usancis, sbrindinât lis tradizions.

Cussì il furlan al è risiervât tes amiciziis, dûr a tacândi gnovis e pe vite coletive nol à masse passion. Lis vecjis sagris e lis ostariis a son ancjemò l'element essenziâl dal so vivi cun chei altris; al è difident ma la sô difidence no à nuie di trist, e je une sorte di pragmatisim che al dopre par cjalâ cun atenzion ogni robe, ma no si fâs cjapâ dal dut.  Il furlan al celebre ogni dì un vecjo conubi cul vin.

Ma il vin nol è l'oblic di maniere, come che al pues jessi pal alpin che al à di fâlu par difindi il lustri de pene; il vin al è la clâf di une cerimonie che si celebre ancje in cjase, ma miôr te ostarie, cui amîs, tal zûc des cjartis e ogni tant compagnât cu lis cjantosis. Nol è barufant; al lavore tant, no lu dîs ma i plâs sintîsal dî di chei altris.

Tra i siei aspiets negatîfs e je une cierte istintive e no intenzionâl difidence tai confronts di chei dal Sud. Nol è belicôs, ancje se lis vueris a son passadis numerosis su lis sôs tieris.  Al acete ogni sorte di lavôr parcè che la nature dai siei paris i à mostrât trope fature che e je par pleâlu ai siei consums, aes necessitâts dal sorevivi, e al lavôr al è usât fin di piçul e no si vergogne.

Cheste e je la imagjin di un om-mont contraditori, arcaic-arcadic, che al è daûr a murî e nol è dificil no sintî dolôr par chel che al è dâur a vignî indevant, un om omologât, cence identitât precise, cence lûc di nassite, un om alienât des sôs monts, dai siei flums, des sôs campagnis.

di Tito Maria Maniacco

traduzion libare de Ninine

Il quiz dal mês. Le soluzion e le e premiazion.  Sabide stade e je stade fate le premiazion pal quiz dal mês di lui: se un modon al pese 1 chilo plui mieç modon, trop pesial un modon? la rispueste juste e jere Doi kilos ! Ve ca i vincidôrs: 1) M.Q. che purtrop lavorant fûr regjon par dut el mês nol à podût sei presint, 2) Aldo Rossi che al è vignût ju di Tumieç fintremai a S.VîT (grant !), 3) Sasha.ba che no jè podude vignî parce che e jere impegnade al Sunsplash e o sperin che rivedi a fanus une sorpresone a ducj i letôrs di chist blog. Noatris par taponâ lis assencis i vin tirât dentri Cristian e Ninine che e a vût il so biel ce fâ a tignî a debite distance cualchi "malintenzionât". La serade a Musikemate e jè stade splendide come simpri, e par simpri fuarce "La Luna:  la nustra biela stela !

Us spietin ducj a MUSIKEMATE  li da l'ipodrom in localitât "Rosa" a San Vît al Tiliment par une serade di musiche e fieste cun Radio Zastava e Guappecartò. E sarà ancje une ocasion par passà a cjatâ chei matarans dal FAF che e varan il lôr bancut !

 Il quiz dal mês: Lui.Induvindel n° 5. Quiz inmaneât dai Fantats Furlans.  Ai prins tre che rispuindaran coretementri a l'induvinel (scrivint la rispueste esclusivementri a faf1995@libero.it) podaràn vinci rispetivementri : al prin une memorie USB da Mb512 inseride intun maraveôs braçâl; al secont une maute o une sciarpe o une berete (www.faf.too.it te sezion materiâl); al tiarc la bandiere dal Friûl o un libri (di sielgi tra: a) Arlêf - Arlêf 2002, b) No steit a crodi a ce ch'o 10 - Arlêf 2004, c) i 90mhz di  Onde furlane). Chei che e àn già vinçût dôs voltis no varàn dirit a premis che e vignaràn assegnâts ai concorints sucessîvs (C.R., M.D., Baro, e son visâts !) . Dutcâs podaràn partecipâ a la premiazion e bevi un taj cun "ducjucuancju".  Lis soluzions e i  vincidôrs vignaràn publicâts dentri de setemane dopo de scadence.

Chiste volte l'induvinel al è super facil ! La premiazion e vignarà fate sabide ai 14 di lui a S. Vît al Tiliment (loc. Rosa) lì dal nestri bancut te manifestazion "Musikemate".

  se un modon al pese 1 chilo plui mieç modon, trop pesial un modon? mandait la soluzion  a faf1995@libero.it