Di  ca a pôcs dîs al cole l'aniversari de muart dal Beât Bertrant. A S. ZorZ de Richinvelde e jè stade prontade, come ogni an, une schirie di apontaments ch'o podeis lei culì di bande de Sangiorgioinsieme. Imperdibile le messe comemorative e il sucessîf rituâl dentri de gleseute, che chist àn e colarà domenie ai tre di jugn a lis 10.00.  (ve chi cualchi post ch'o ài scrit l'an passât a chist proposit: 1, 2, 3, 4 e chel scrit chist an dal Curtisâr).

Le nestre inviade "Peki" nus à prontât un articulut su la presentazion dal Libri "La fatica di esser preti", di/cun Pre Toni Beline, che si è davuelte vinars stât ai Colonos: lein...

Nol è nie ce fâ. Metîsi a tabaiâ o nome a scoltâ ce che al à di dî o ce che al è di dî su Pre Toni Beline al suscite grandes emozions che lascin il marum di no vê plui cun nô une grande persone.

E cussì al è sucedût ancje ai Colonos vinars stât cuant che Fidrì dai Ros, Marino Plazzotta e Romano Michelotti e an presentât l'ultin libri di/cun Pre Toni Beline: 'La fatica di essere Prete' publicât de Biblioteca dell'Immagine.

Il quiz dal mês. Le premiazion.  Miarcus di sere, apurât  che  il "Vecchio Stallo" al jere serât pe polse setimanâl, o sin finîts al "Fagiano" pe consegne dai premis ai vincidôrs dal quiz di mai. Podìn viodi a man çampe M.D. tal mieç "Baro". A diestre al verès vût di sei  il tiarç classificât L.P. che purtrop nol à podût  partecipâ  e ch'o vin rimplaçât  cun l'autist dal "Baro". Le serade e je continuade  "Alla Ghiacciaia" lì ch'al jere ancje un concertut jazz...

Biel spetacul chel di Berto Lôf, norsere a Mont di Buje Al è stât une vore interessant e divertent viodi i doplatôrs in vore dal vîf. Un spetacul origjinâl  ch’al merte di sei vidût. Pecjât che i organizadôrs (dulà erino?) no an fat stâ cidins chei cuatri vigjei ignorants e bifolcs che (in spiete dal rinfresc gratis - sfigâts !) cence rispiet pai artiscj e pal public interessât, no àn podût fâ di mancul di businâ par dut il timp.

... mi capis ben me jo !

Il quiz dal mês di mai. La soluzion. Gran numar di rispuestis (ancje di faladis) a l'induvinel n. 3 (mai). Dopri il test che nus à mandât Enricon: "... la rispueste a e' dôs pesades: te prime tu tu pois 3 balutis su di un plat e tre su chel atri plat, cussì tu tu cjatis lis tre balutis che e àn tal mieç la balute che pese di plui (sul plat che a si sbase di plui o, se i doi plas stan a pari, a son ches tre balutis fûr de belance) Cumò di chês tre balutis che e àn tal miec la balute che pese di plui tu tu metis une balute par plat e une ta sachete: la balute ta belance che a pese di plui a si sbase di plui (=cjatade), se i doi plas e stan a pari tu tu as une balute ta sachete che a pese di plui di ches atres 8, ma ocjo a cjapâ la balute juste! Enricon di Norfolk!!! Ve ca i vincidôrs: 1) M.D. a lis 9.12; - 2) "BARO"  a lis 10.28;- 3) L.P. a lis 12.26. Compliments a ducj e al prossin quizzzzzzzzzzzzzzzzzzzzzz.

Doman, joibe ai 17 di mai ,  a lis vot e miege sot sere a Mont di Buje, un progjet par cure di "prospettiva T" e "Teatrino del Rifo" : Berto lôf voltât in furlan dal vîf . Ca sot podeis lei le comunicazion che mi è rivade par email.

Al stadi no si viôt nancje la rie de puarte. Lassant piardi la partidone di domenie (TV gjornai e web sites and'an già tabajât), o volevi marcâ un pâr di robutis che no rivi ancjemò a parâ ju. Par puartâ dentri la bandiere dal Friûl i vûl dome fortune stant che domenie nissun mi à fermât e jo o soi lât vie dret ma jo o varès siguramentri miôr che la soc. Udinese e des il vie libare e che no si vedi di stâ a fastiliâ ogni domenie, cul risultât che le int si stufe e no puarte plui la bandiere. Un atre robe di risolvi e je chê dai tebelons publicitaris poâs masse dongje dal cjamp di balon cussì che nancje a miege altece de curve nord si rive a viodi le rie de puarte a nord. La rie de puarte ! no stin tabajant da l'ingres ai spogliatoios o la bancjute li che poin il cûl i pulots, la rie de puarte plui dongje ! Alore o ài provât a domandâ a un "stuart" (steward) se si podeve tabajâ cun cualchidun ma mi à rispuindût che probabilmentri no je une robe de Udinese ma dal gjestor de publicitât... Insome, dal public che al vâ al stadi no free nie al sisteme Balon, ma dome a questors e prefets !

Il quiz dal mês: Mai.Induvindel n° 3. Quiz inmaneât dai Fantats Furlans. Come lis voltis passadis, ai prins tre che rispuindaran coretamentri a l'indovinel (scrivint la rispueste esclusivementri a faf1995@libero.it) podaràn vinci rispetivamentri : al prin une memorie USB da Mb512 inseride intun maraveôs braçâl; al secont une maute o une sciarpe o une berete (cjalait su www.faf.too.it te sezion materiâl); al tiarc la bandiere dal Friûl o un libri (di sielgi tra: a) Arlêf - Arlêf 2002, b) No steit a crodi a ce ch'o 10 - Arlêf 2004, c) i 90mhz di  Onde furlane). Lis soluzions e i  vincidôrs vignaràn publicâts su www.fantats.splinder.com dentri de setemane dopo de scadence. 

O vin nûf balutis perfetementri compagnis a part une che pese alc di plui rispiet a dutis ches atris. Doprant un belance a doi plats, e poant di ca e di là lis balutis, induvine cuale ch'a è la bale che pese di plui, in mancul pesadis pussibilis (spiegant ancje lis operazions).

mandait la soluzion  a faf1995@libero.it dentri dal 20/05/07.

No ai peraulis par definî chê grande boiade (scusait le peraule), che stan atuant tal stadio: int cun le bandiere cence aste, int cun le aste cence bandiere, striscions dai club che no si podin plui picjâ (dopo che il pari dal me morôs a l'à spindût un frac di bes par fâlu gnûf!)...ma dulà vino di rivâ? Io o propon une robe: nin ducj al stadio cun le maute dal Friûl, o ai voe di viodi se fasin gjavâ le mae a centenars di personis!   Io lu fasi già, che provin!! Dai fantats, tachin a fâsi sintî!

No le àn ancjemò finide di rompi i cits par jentrâ tal stadi. Domenie mi soi presentât come simpri cun le mê bandiere dal Friûl (formât standard). Il steward al à tacât a tontonami che la mê bandiere no podeve jentrâ, dome se jere chê dal F-VJ. Ignorât l'omp catarinfrangent, mi si è fat dongje un carabbbinîr che al diseve che dome lis bandieris da l'Udin e podevin jentrâ. Jo par furlan o ài sostignût lis mês resons, ma l'omp in blu mi à dite di tabajâ par talian, e jo i ài dite ch'o sin Friûl e che  duncje varès tabajât dome par furlan...