Il quiz dal mês. Fevrâr - la soluzion. Ducj e an imbrocât la rispueste a l'induvinel n. 1: faseit stâ dîs cjavai in nûf caselutis/stalis.  - 鈦伅鈦伅鈦伅鈦伅鈦�.   Compliments a "I.S." che oltri a rispuindi par prime e jè rivade ancje a fanus une biele esplicazion de soluzion, vele cà:

I vincidôrs: e-mail rivadis ai 14/02/07: "I.S." a lis 13.32 da Firenze; - "C.B." a lis 15.17 da Porpêt; - "S. ." a lis 16.53 da Milan. Al prossin quizzzzzzzzzzzzzzzzzzzzzz maman.

Vuè martars ai 27 di fevrâr su Radio Onde Furlane 90MHZ, da lis nûf di binore a lis siet di sere e van in onde la "Zornade Furlane dai Dirits". Si  fasarà fieste pensant al Friûl e al so futûr. Une programazion difarente cun tantis intervistis. Buine scolte !
**:** –
09.00 Musiche furlane / altris nazions
09.00 – 09.30 Presentazion Zornade
09.30 – 10.30 Gerovinyl – speciâl dirits
10.30 – 11.00 Fiestis e nazions: Euskal Herria
11.00 – 11.30 Fiestis e nazions: Sardigna
11.30 – 12.00 Fiestis e nazions: Catalunya
12.00 – 12.30 Insuazament storic
12.30 – 15.00 Musiche furlane / altris nazions
15.00 – 15.30 Dirits linguistics e nazionâi
15.30 – 16.00 Fiestis e nazions: Euskal Herria (R)
16.00 – 16.30 Fiestis e nazions: Sardigna (R)
16.30 – 17.00 Fiestis e nazions: Catalunya (R)
17.00 – 17.30 Dirits dineâts: i slovens dal Friûl
17.30 – 18.00 Dirit ae aghe
18.00 – 18.30 Dirits coletîfs su la tiere
18.30 – 19.00 Insuazament storic (R)
19.00 – **.** Musiche furlane / altris nazions

martars tor nuf e mieze/dîs di sere o eri sintonizzât sui 90mhz di  R.O.F. e mi soi becât cuatri matarans a plens gîrs. Musicate HC cun alc di rock melodic ... o eri pront a dâ un cricade ae autoradio de machine di cortesie (le mê e jere ancjemò fracassade) ma o soi rivât a tratignimi (vonde dans!). Musiche a manete, lis cassis e sgraseavin te   me   miôr tradizion peçotose. No soi rivât a capî  cui che son,  ma chei zovins a lì a son simpaticamentri sdrondenâts ! Brâvs ! Martars di sere tornarai a sintiju.

Il quiz dal mês.

Al tache vuè la rubricute mensîl dai quiz. Il FAF al metarà in palio lis sôs produzions (www.faf.too.it te sezion materiâl); ai prins tre che rispuindaran coretamentri a l'indovinel, scrivint la rispueste a faf1995@libero.it, vinçaran: al prin une maute o une sciarpe o une berete, al secont la bandiere dal Friûl o un libri (di sielgi tra: a) Arlêf - Arlêf 2002, b) No steit a crodi a ce ch'o 10 - Arlêf 2004, c)  1 90MHZ di Onde furlane), al tiarc un Fregul (di sielgi tra: Fiore dei liberi, e Glossariut dai tiarmins pulitics) e cualchi adesivut. Lis soluzions e i  vincidôrs vignaràn publicâts sul www.faf.too.it e www.fantats.splinder.com la setemane dopo de scadence.  Concentraisi, ve cà l'induvindel n° 1:  faseit stâ dîs cjavai in nûf caselutis/stalis.  - 鈦伅鈦伅鈦伅鈦伅鈦�

mandait la soluzion (disen o spiegazion) a faf1995@libero.it dentri dal 01/03/07

Letaris boladis

L'Abi (associazion des bancjis talianis) o cui par jè, nol à ancjemò ativât ducj i simbui de tastiere cuanche si fasin operazions vie web. Jo o soi il Fantozzi di una piçule medie imprese furlane, e già di cualchi anut,  o scrîf la descrizion dai bonifics par furlan cuanche il beneficiari al è de nestre tiare. Purtrop il program dal web banking nol acete lis nestris carateristichis letaris acentadis (par esempli â o tal câs di lenghe sclave le 膷) cussì come atris  segns tant che  °  e vie indenant, e cussì, plui di cualchi volte,  mi tocje scrivi in maniere sbaliade. Sperin che chei siôrs adeguedin i imprescj ancje per chistis esigjenzis.

Se dal cûr e ven...

Dopo tancj ains, mi è tornade par lis mans une vecje casselute dai Litfiba e mi soi mitût a berlâ un dai lor tocs miôr "TEX" une cjanson veramentri strabielone par musiche e par test...  par certs concets le sint veramentri mê, de mê tiare. Vecà alore la traduzion fate cumo, di corse, finît di vore. Cjantait e incazzaisi ancje vuatris !

Vie pe strade, o soi dome jo / incenglât dal desert dulintor a mi / il cidinôr tae dute la citât / il Grant Spirit mi clame dai pignarui... /

ou, ma ce distu? La vuestre libertât ? / ou ce caz distu / noatris la vevin bielzà! /

Dì e gnot / gnot e dì cence troi / la mê int e jè tant che un'acuile cence alis / tu cjavalcje, cjavalcje gno cow-boy / che tant la tiare tu la robis a noatris.

ou, ma  ce caz distu? la vuestre libertât ? ou, ma ce distu / noatris le vevin bielzà! / no vuei plui amîs, o vuei dome nemîs / no vuei plui amîs, o vuei dome nemîs / vonde lis vuestris bausiis....

tu cjavalcje, cjavalcje gno cow-boy / che tant la tiare tu la taconis a noatris !

ou, ma  ce caz distu? la vuestre libertât ? ou, ma ce distu / noatris le vevin bielzà! / no vuei plui amîs, o vuei dome nemîs / no vuei plui amîs, o vuei dome nemîs / vonde lis vuestris bausiis, bausiis.....