LIET FESTIVAL  - .... the winner is .....  Lis premiazions e tachin cun il vincidôr dal premi dal public, lât ai "Dr. Drer en crc posse" de Sardegne (che chi le vevi già nasade, lis votazion e jerin tacadis vie web già di sornadis prime dal festival e i Sards joibe 29 a erin già in vantaç contant suntun bon seguit - ancje li tal teatri): brâfs a Suns e brâfs ancje chi. Dopo e tachin a comunicâ i risultâts dal veri e propit award: Lino Straulino al è a miege classifiche, le lote e je dure parcè il nivel de manifestazion al è pardabon alt. E rivin i votos dal cuart ultin judic, Lino passe al 2° puest; al rive il tiarç ultin judic, Lino al è 1°; al rive il penultin judic Lino al sbrisse al 2°; ultin judic azz 3° puest. Al 'è stât comuncue entusiasmant  e noatris cuatri o vin cirût di fâ un tichinin di tifo. 3° puest al è un buinissim risultât, vere Lino? ma cui varaial vincût ?

Zina de ocitanie (intrigant) ?

Fiach de Irlande ch'al è tant plasût a lis nestris feminis ?

i esplosîvs De Foffting penns ?

...o magari i Sattuma (folk de Karelia)

i De Sovvalniks

o ancjemò i It Langstme en de dea (i parons di cjase) ?

ah si a erin i "Sunrise non secular", o forsit no...

ma alore cui ajal vincût ?

Alore tiarç o vin dite Lino Straulino, seconds ... de Sardegne ..... "Dr. Drer en crc posse" .. e prins , prins, prins , prins une hard rock band de Laponie i "Sombi" !!!!! Biele fieste, biele int biel teatro, biele musiche , biele presendadore (!) di tornâ insome !! PS par vê plui info sui artiscj che àn partecipât e i lôr link leit tal sito dal festival http://www.liet.nl/en/internationaal/.

Une corse in Frisie, a viodi el Liet Festival ! Già di timp o cîr di lâ a cognossi lis minorancis atôr pe Europe e cuanche l'an passât le mê morose mi à domandât di fâ un gîr par viodi il Liet, no mi soi tirât indaûr! Le Frisie si cjate tal nort de Olande e si po gjoldi di biei paesaçs di  cjanai e barcjis, di mulins, di pascui cun  vacjis, cjavris, pioris, cjavai libars pai prâts ... Sence fîi de alte tension in viste (ond'ài notât dome un une volte pal rest il panorama nol è stât ruvinât dai tralis, ma di mulins pe eoliche and'è a plen). Leeuwarden, le capitâl de Frisie e je grande come Udin e come a Udin si tabae oltri a le lenghe de minorance e le lenghe nazionâl ancje un so dialet. Sedi a Leeuwarden che a Groningen no vin vidût centros comerciai chi le int evidentrementri e va ancjemò in citât a fâ shopping e par grancj numars in biciclete ancje se al plûf.

LIET FESTIVAL. Sabide chiste 31/10/09 si davuelzarà il "Liet Festival" il festival de cjançon di minoranze a Leewarden in Frisie. Par no al parteciparà Lino Straulino ! Anin a votâ tal sît  http://www.liet.nl/en/internationaal/. Si viodin lassù, viva !

PS: tal sito scrit chi parsore e je ancje le barconete par sintî l'event in live streaming: colegaisi che aes 20.30 al tache, mandi !

sabado 24 de octubre 21 horas
BANDE TZINGARE
presentacion del cd Herética invitados especiales: MATT FREEUL ART PORT(Casa del Marinaretto) PALAZZOLO dello STELLA, Via del Traghetto 3 cussì come che mi è rivade par email... 

EMOZIONS D'IGJUSTRI - Concors di poesie - 3e edizion. Chist an il teme al sarà " TI SLUNGJI LA MAN". Te ultime edizion un dai "vecjos" FAntats Fantats furlans si è classificât tiarç: il nestri Nicola Malesani. Lein ca sot par intîr il comunicât dal Comun di Basilian organizzadôr dal concors

Lis paraFAFotos, oben lis fotos cjapadis dai Parafangos a FAFieste, tu lis cjatis achi. Grazie a Dilo che nus à metut a disposizion dut chest ben di dilo.

Al è timp di lâ pai cjamps, di distirâsi tal jenfri di fueis ruanis, di lassâsi vistî de rosade prime che deventi bruse, al è timp di Cormôr Salvadi salacor... 8+9+10+11 Otubar.

si tache Joibe 8/10 Lavarian: sale civiche, h. 21.00 Viaç a scjavaçâ la gnot Spetacul di teatri cjançon su cinc secui di vite musicâl in Friûl di Stefano Montello Vôs, musichis e cjants di Stefano Montello e Cristina Mauro

Radiodram in 4 puntadis su radio onde furlane (90 mhz, www.ondefurlane.eu) la sabide a lis 08.30 Prime puntade il 26 di setembar  pe zornade europeane des lenghis

Deposito Giordani  (PN) - "Serata Snait" - vinars ai 25 di setembar

Segnalazion in redazion par chiste serade di no piardi vinars ai 25 di setembar li dal "DEPOSITO GIORDANI" a Pordenon par sostignî el  "PROGETTO SNAIT"!
( www.sanpabloferrari.org.ar )


I concerts e tachin a lis nûf di sere:

STEFANO SCHIRALDI E LAURA COMUZZI;
ZUF DE ZUR;
BUBBLEFISH;
BANDE TZINGARE;
ARBE GARBE.

Dopo che mi an linkât tal sito dai murales mi tornade indiment une foto fate ormai cinc ains indaûr in Euskadi - Paîs Basc. Un messaç impuartant clâr e net, e par che lu capedin ducj i turiscj lu àn scrit par spagnûl, inglês, todesc e francês. Già ch'o soi, us al volti par furlan:

Turist visiti che chi no tus ês ne in spagne ne in france, chi tu sês tal Paîs Basc.

Domenie ai 27/09/09 - 6e MARATONLUNA - Une passegjade di 7 km., viarte a ducj "A spas tra la Mussa e la Viersa". Partenze e arîf a S. Zuan di Cjasarse li de Cjasalaluna. Par atres infos, cjale tal lôr sito.

Internet ti mene atôr pal mont cussì,  dopo sei stâts linkâts intun sit catalan, di un mesut a chiste bande o sin finîts ancje intun sît spagnul (cussì almancul mi somee) li che publichin fotos di murales cence cjalâ in muse nissun: di cualsisei bande dal mont e di ogni pinsîr pulitic, lassant spazi a ducj, propite ducj ! (viodin cumò in trop timp ch'o brincais lis mês fotos...)

INTERVISTE A PAULI CANTARUT. Si e je vere, Fa.F.ieste e je finide ma il vuestri Luche al veve ancjemò voe di fâ cualchi intervistute par email: vuè o vin  Pauli Cantarut President de Cooperative di Informazion Furlane: grant cognossidôr de musiche e de art di chenti ma simpri atent e sensibil a ce ch’al sucêt atôr pal mont.

• Un canditât ai Grammy Awards, il premi musicâl plui impuartant dal mont, te categorie jazz. Il cd Distances di Glauco Venier e Norma Winston, publicât in dut il mont de prestigiose etichete ECM e cun dentri une bielissime version da “Il cjant da lis campanis” di Pasolini.
• Un candidât al Premi Tenco, il premi plui impuartant pe cualitât artistiche in Italie. Borderline di Loris Vescovo.
• Une manifestazion come “Suns: festival de cjançon in lenghe minoritarie” che e à puartât in Friûl lis miôr cjançons tes lenghis minoritariis dal stât talian e dal arc alpin e, che ae fin, e à premiât cul acès ae finâl in Frisie il nestri Lino Straulino.

STORIS E BORIS a www.agriturismozaro.it a Farcadice/Cjaneule (Pian delle Farcadizze - Canebola) ultin apontament da l'an: aes 19.30 Dodi e Monodi e podopo ducj chei che e àn partecipât ai precedents apontaments. Cònsein di partasi daûr un maonut ch'al tache a fâ frêt di chês bandis. Par cui ch'al vûl cenâ (notaisi al 0432 788187)

Furlanication ! Par imparâ l'inglês dal furlan. Masse fuart !

Figone ancje le rubricute ch'a fasin su Radio Marilu e Easy network, li che voltin  tocs musicai da l'inglês al furlan. Ains indaûr ancje Gotard Mitri al vêve produsût un progam par fâ esercizis par inglês tacant dal furlan.

"Danzando tra i popoli ... dei Balcani". Come ogni an il grup folkloristic "Danzerini Udinesi" al organizze chist festival folk. Vinars di sere concert par Musiche Furlane Fuarte dai Jo No Kognos, dal sigûr al sarà ancje il nestri bancut  une ocasion di no piardi. Ve chi i tacât il program da l'event.

E je stade dure jevâsi vuè di buinore. Son stâts tre dîs di fieste e di lavôr. Cuasi cuasi mi pâr di jessimi sumiât chiste fieste maraveôse. O ài intôr ancjemò tante strache ma o soi contenton, in tancj si son complimentâts, segno che il nestri progjet al è plasût e chiste e je le nestre sodisfazion. O aprofiti par disi grazie a ducj chei che e son passâts e ducj chei che e àn lavorât e judât par meti in pins l'event. Usgnot ... polse dal vuerîr !   Tai dîs a vignî, cun calme metarin su cualchi foto des seradis e anzit se cualchidun and'à fatis che lis mandi a faf1995@libero.it Grazie.

Riepiloghin un moment lis robis: FAFieste a Feletis di Bicinins (lì dal cjamp di balon)

 vinars ai 4 di setembar h. 21.00 Silvia Michelotti, Frizzi Comini Tonazzi,

 sabide ai 5 di setembar h. 21.00 Jonokognos, Parafangos, Carnicats,

 domenie ai 6 di setembar h. 20.00  poesie cun Lucia Gazzino e Cristina Micelli, presentazion dal CD "Platimi" Fîl & Fiâr e M. Govetto, leture seniche di "Bire su Pluton" di M. Govetto cun TNF - Straulino Fedele Vescovo.

TNF (Teatri Nazionâl Furlan) Domenie ai 6 di setembar a FAFieste e presentin un test di Massimo Govetto "Bire su Pluton". Vele chi le interviste prontade dal stes autôr de conte.

O jeri lât a sintì le serade finâl dal Premi Friûl, un tre ains fa cussì, tant par fà alc di difarent e pari iodi se si cumbinave di dai une riscjeladine a cualchi sdrondine e presepôc a miege sere, biel che o stavi tacant a sgragnolami trionfalmentri i cacos, si presentin sul palcoscenic doi bocoins di cjaveçai. Un plui ruspiôs dal atri. "Ma di dulà vegnino fûr, chei chì?" i fâs a mè copari, ch'al jè sentât in prime file dongje di me, tant che lu svei; "Ma çemût, no tu ju âs ricognussûts? E son i TNF!" "Ti enne çè?" "TNF. Ch'al sares a stai Taconà Nancje Fevelà; e fasin teatri par furlan. Ti spieghi: ioditu chel alt e un pêl sbarlufît sule gjestre? Eco, chel lì al jè Milio, che ducj lu clamin Mimo e chel atri, chel dut discjavelât e un sclip bracot, chel lì invessit al jè Andrea, che però ducj lu clamin Morandin. Pense, e son di Cjasielis, lôr, e par jessi chì usgnot no si sono fas menà su dal lôr amion, dal Meo, che ju à cjamâts sul casson de Ape? Ma çè ti vegnie voe di dì?" Nie, copari. Propite nie. Forsit al jè il câs di lassaju fevelà lôr.

Massimo Govetto al interviste par no i Fîl & Fiâr (A FAFieste domenie ai 6 di setembar).

Mi an dite: "Nol jè che par câs tu varessis une miege voe di intervistà i Fantats Furlans?" "Ma cuai, chei dal Fregul e di FAFieste doimîlevot?" "Lôr. Propit lôr." "Ostie. E chei di Miss Fantate e di FAFieste doimlenûf?" "Lôr. Propit lôr."

E alore jò, che mone dal dut ancjemò no soi deventât, çemût dal diaul fasevio a dì di no?
Spiegaimal uatris.No si podeve; son mighe cuatri cjastrons, chei chì: e son i Fantats Furlans. Presint? Chei dal Fregul e di FAFieste doimîlevot. E chei di Miss Fantate e di FAFieste doimîlenûf. Iustapont. Provait a lei çe che mi an contât:

FELETTIS UNITED (Polisportiva Libertas Felettis) - intervistin i parons di cjase de nestre FAFieste. A comandâ chiste scuadre di balon di omps e je Monica (presidente), viodin ce che nus conte ! 

1. A Feletis o vês un biel cjamp di balon, un tapêt morbit.... minimo minimo o sês prins in classifiche, vere?
Beh sai....l'anno scorso abbiamo giocato tutto l'anno su un altro campo quindi meglio non approfondire com'eravamo in classifica! Quest'anno però ritorniamo a giocare sul nostro bel tappeto morbido e speriamo che porti bene!!

2. Te vuestre  associazion sportive di balon maschîl tu sês tu le presidente, continus, cemût  isal il clima tal  spogliatoio?
Carica sociale a parte....non mi fanno entrare!! Però, all'esterno,  credo che il clima sia bello, soprattutto nello spogliatoio, della squadra di calcetto: quando aspetti che escano per andare a cena dopo le partite non escono mai! Ti viene per forza da pensare che qualcosa di bello lì dentro ci dev'essere!

3. Ma ce us isal passât pal cjâf di fâ Fa.F.ieste, seso lâts fûr cun la cassele?
Penso sia stata colpa del caldo in effetti...ma quando ci siamo resi conto dell'errore ormai era troppo tardi! Scherzi a parte abbiamo colto subito l'occasione dopo la proposta del vostro "infiltrato" Berga (el Gnagna): ci è sembrata un bella opportunità per sperimentare qualcosa di diverso dalle solite feste! Speriamo che la risposta del Paese e di quanti verranno a trovarci a settembre sia positiva...e ovviamente speriamo che tutto vada per il meglio!!

4. Ce pensaiso dal programma de fieste ?
Sulla carta sembra "un spetacul"!...e speriamo che sia così per molti! Inoltre avremo il piacere di riospitare, dopo una decina d'anni, i Frizzi Comini Tonazzi, una nostra vecchia conoscenza, visto che hanno già calcato due volte il palco di Felettis.

5. (The marzullo's question) Le vite ise un siun o i siuns iudino a vivi miôr? I siuns e iudin a vivi miôr soredut cuant che ti dan i numars dal superenalot!
Par finì no sai so savês, ma te prosime stagjion sportive al Berga al diventarà al nestri alenadôr di balon a 5! Vuatris che lu cognosês di tant timp ce penseso? Vino fat ben a sielgilu? Si avalin de facoltât di no rispuindi, o tabaiarin dome in presince dal nestri avocât parcheche, cualsisei robe ch'o podaressin declarà e podarès sei doprade cuintri di no.

Grazie Monica si viodin ae fieste

Cristina Micelli, poetesse di Basilian, a FAFieste domenie ai 6 di setembar.  Le interviste chiste volte le à fate par no Massimo Govetto.

Varessiso mai pensât uatris che intun Basilian, là che un mancul s'al spiete, si plate a voi dal mond une anime a cinçent carâts? O ai provât a stimale.

Silvia Michelotti  in concert vinars ai 4 di setembar a FA.F. ieste (li dal cjamp di balon di Feletis Bicinins).  

JONOKOGNOS A FAFieste sabide ai 5 di setembar (cjamp di balon di Feletis-Bicinins).  Pardabon un dai grups furlans ch'o ami di plui i Jonokognos. Gjoldinsi intant "mai mai", un dai miôr video dal panorama furlan fin cumò.

Us riproponin le interviste fate l'an passât

Ve ca un promemorie par no dismenteâsi il calendari di FA.F.ieste. Us Spietin !